മുന്‍ ടൊറന്റോ പോലീസ് മേധാവി ബില്‍ ബ്ലെയര്‍ അതിര്‍ത്തി ചുമതലയുള്ള മന്ത്രാലയത്തിന്റെ തലവനായി ചുമതലയേറ്റു

Thu,Jul 19,2018


ടൊറന്റോ: മുന്‍ ടൊറന്റോ പോലീസ് മേധാവി ബില്‍ ബ്ലെയറിനെ അതിര്‍ത്തി ചുമതലയുള്ള കാബനിറ്റ് അംഗമായി പ്രധാനമന്ത്രി ജസ്റ്റിന്‍ ട്രൂഡോ നിയമിച്ചു. അനിയന്ത്രിതമായി അതിര്‍ത്തി കടന്നെത്തുന്ന അനധികൃത കുടിയേറ്റക്കാരെ നിയന്ത്രിക്കാനാണ് ബില്‍ ബ്ലെയറിനെ നിയമിച്ചിരിക്കുന്നത്.

ഇതോടെ ബ്ലെയര്‍ നീണ്ടകാലം എതിരാളിയായിരുന്ന ഒന്റാരിയോ പ്രീമിയര്‍ ഡൗഗ് ഫോര്‍ഡിനുകീഴില്‍ പ്രവര്‍ത്തിക്കേണ്ടിവരും. നീണ്ടകാലത്തെ പ്രവര്‍ത്തനപരിചയമുള്ള ബില്‍ ബ്ലെയര്‍ ബോര്‍ഡര്‍ സെക്യൂരിറ്റി ആന്റ് ഓര്‍ഗനൈസ്ഡ് ക്രൈം റിഡക്ഷന്‍ എന്ന പുതിയതായി രൂപം കൊണ്ട മന്ത്രാലയത്തിന്റെ ചുമതലയാണ് വഹിക്കുക. കാനഡ-യു.എസ് അതിര്‍ത്തിയിലെ അനിയന്ത്രിത അഭയാര്‍ത്ഥി പ്രവാഹം, തോക്കുകൊണ്ടുള്ള കുറ്റകൃത്യങ്ങള്‍, കഞ്ചാവ് ഉപയോഗം എന്നീ നിയമപ്രശ്‌നങ്ങള്‍ ബ്ലെയര്‍ കൈകാര്യം ചെയ്യും.

കണ്‍സര്‍വേറ്റീവുകള്‍ അഭയാര്‍ത്ഥികളെ ചൂണ്ടി പ്രചരിപ്പിക്കുന്ന 'ഭയത്തിന്റെ രാഷ്ട്രീയ'ത്തിന് തടയിടാന്‍ ബ്ലെയറിന്റെ നിയമനത്തോടെ സാധിക്കുമെന്ന് പ്രതീക്ഷിക്കുന്നതായി പ്രധാനമന്ത്രി ജസ്റ്റിന്‍ ട്രൂഡോ പറഞ്ഞു. അദ്ദേഹത്തിന്റെ കഴിവില്‍ പൂര്‍ണ്ണവിശ്വാസമുണ്ടെന്നും ട്രൂഡോ കൂട്ടിച്ചേര്‍ത്തു.

നിലവിലെ ഒന്റാരിയോ പ്രീമിയറായ ഡൗഗ് ഫോര്‍ഡുമായി ബ്ലെയര്‍ അത്ര രസത്തിലല്ല. ടൊറന്റോ പോലീസ് മേധാവിയായിരിക്കുന്ന സമയം ഫോര്‍ഡിന്റെ സഹോദരനെ കൊക്കെയ്ന്‍ ഉപയോഗിച്ചതിന് ബ്ലെയര്‍ അറസ്റ്റ് ചെയ്തിരുന്നു. ഇതിനെ തുടര്‍ന്ന് ഇരുവരും ഉടക്കുകയായിരുന്നു. ഈ മാസമാദ്യം അതിര്‍ത്തി കടന്നെത്തുന്ന അഭയാര്‍ത്ഥികളെ പുന:രധിവസിപ്പിക്കുന്നതില്‍ നിന്നും ഫോര്‍ഡിന്റെ ഭരണകൂടം പിന്മാറിയിരുന്നു.

Other News

  • സ്വവര്‍ഗ്ഗരതി നിയമാനുസൃതമാക്കിയെന്നവകാശപ്പെട്ട് ആഘോഷം; ട്രൂഡോ സര്‍ക്കാര്‍ വിവാദത്തില്‍
  • വെള്ളപ്പൊക്കം: കിഴക്കന്‍ കാനഡയില്‍ 1500 പേരെ മാറ്റിപ്പാര്‍പ്പിച്ചു
  • ലോക പ്രശസ്തരായ മൂന്ന് പര്‍വ്വതാരോഹകരുടെ മൃതദേഹം കാനഡയിലെ മഞ്ഞുപാളികള്‍ക്കിടയില്‍ കണ്ടെത്തി
  • പ്രളയ ദുരിതാശ്വാസ പ്രവർത്തനം: കനേഡിയൻ മലയാളിക്ക് ആദരം
  • കാനഡയിലെ സങ്കീര്‍ണ്ണ നികുതി വ്യവസ്ഥ കുരുക്കാകുന്നു
  • ആല്‍ബര്‍ട്ടയില്‍ യുണൈറ്റഡ് കണ്‍സര്‍വേറ്റീവ് പാര്‍ട്ടി അധികാരത്തിലേക്ക്, ജാസണ്‍ കെന്നി പ്രീമിയറാകും
  • തൊഴിലന്വേഷകർക്ക് പ്രതീക്ഷയായി കാനഡയുടെ ജിടിഎസ് പദ്ധതി
  • സിഖ് തീവ്രവാദത്തെക്കുറിച്ചുള്ള പരാമര്‍ശം കാനഡ ഔദ്യോഗിക രേഖയില്‍നിന്ന് നീക്കി; ഇന്ത്യയ്ക്ക് പ്രതിഷേധം
  • കനേഡിയന്‍ കൊച്ചിന്‍ ക്ലബ്ബ് പ്രര്‍ത്തനമാരംഭിച്ചു
  • കനേഡിയന്‍ അലൂമിനിയത്തിനും സ്റ്റീലിനും നികുതി ഏര്‍പ്പെടുത്തിയ നടപടി യൂ.എസ് പിന്‍വലിക്കണമെന്ന് കാനഡ
  • അര്‍ബുദകോശത്തെ കൊല്ലാന്‍ റോബോട്ടിക് സംവിധാനം
  • Write A Comment

     
    Reload Image
    Add code here