രൂപയുടെ വിനിമയമൂല്യം 71.79ലേയ്ക്ക്; നാട്ടിലേക്ക് പണമൊഴുക്കി ഗള്‍ഫ് പ്രവാസികള്‍

Wed,Sep 05,2018


മുംബൈ: ഡോളറിനെതിരേ രൂപയുടെ വിലയിടിവ് വീണ്ടും തുടരുന്നു. ഉച്ചയ്ക്ക് 12.09ന് രൂപയുടെ വിനിമയമൂല്യം ഏറ്റവും താഴ്ന്ന നിരക്കായ 71.76ലെത്തി. 71.57ആയിരുന്നു ചൊവ്വാഴ്ചയിലെ ക്ലോസിങ് നിരക്ക്. രാവിലെ വ്യാപാരം ആരംഭിച്ചയുടെ 71.45ലെത്തിയെങ്കിലും താമസിയാതെ 71.79 നിലവാരത്തിലേയ്ക്ക് താഴുകയായിരുന്നു.

അസംസ്‌കൃത എണ്ണവില വര്‍ധനയെ തുടര്‍ന്ന് ഡോളറിനെതിരേ രൂപയുടെ മൂല്യം തുടര്‍ച്ചയായി ഇടിഞ്ഞുകൊണ്ടിരിക്കുകയാണ്. ഈ വര്‍ഷം ജനുവരി ഒന്നിനും സെപ്റ്റംബര്‍ മൂന്നിനും ഇടയില്‍ രൂപയുടെ മൂല്യം ഡോളറുമായി താരതമ്യം ചെയ്യുമ്പോള്‍ 10 ശതമാനത്തില്‍ അധികമാണ് ഇടിഞ്ഞത്.

യു.എസ്, ചൈന വ്യാപാര യുദ്ധം ഉയര്‍ത്തുന്ന ആശങ്കകളും തുര്‍ക്കി, അര്‍ജന്റീന എന്നീ രാജ്യങ്ങളിലെ സാമ്പത്തിക പ്രതിസന്ധി സൃഷ്ടിക്കുന്ന വെല്ലുവിളികളും രൂപയുടെ മൂല്യത്തകര്‍ച്ചയ്ക്ക് കാരണമായിട്ടുണ്ട്. ഇറാനില്‍നിന്നുള്ള എണ്ണ ഇറക്കുമതി കുറയുന്ന സാഹചര്യത്തില്‍ ക്രൂഡ് ഓയില്‍ വില 78 ഡോളര്‍ കടന്നതും ഓഹരി വിപണിയിലെ വിദേശ നിക്ഷേപകര്‍ പിന്‍മാറുന്നതും വിനിമയ നിരക്ക് ഇടിയാന്‍ കാരണമാകുന്നു.

ഏഷ്യന്‍ സാമ്പത്തിക പ്രതിസന്ധിയുടെ പശ്ചാത്തലത്തില്‍ തുര്‍ക്കി കറന്‍സിയായ ലീറയുടെ മൂല്യവും ഇടിഞ്ഞിട്ടുണ്ട്. ഇന്‍ഡൊനീഷ്യന്‍ റുപ്പയയും മൂല്യത്തകര്‍ച്ച നേരിടുകയാണ്.

അതേസമയം രൂപയുടെ വിനിമയമൂല്യം ഇടിയുന്നത് പ്രവാസികള്‍ക്ക് ആഹ്ലാദം പകര്‍ന്നു. 5000 യുഎഇ ദിര്‍ഹം ഇന്ന് കയ്യിലുണ്ടെങ്കില്‍ നാട്ടിലെ ഒരു ലക്ഷത്തോളം രൂപയായി. കഴിഞ്ഞ രണ്ടാഴ്ചയായി എക്കാലത്തേയും ഉയര്‍ന്ന നിരക്കാണ് ഗള്‍ഫ് കറന്‍സികള്‍ക്ക് ലഭിച്ചുകൊണ്ടിരിക്കുന്നത്.

രൂപയുടെ മൂല്യം ഇന്ന് വീണ്ടും ഇടിഞ്ഞ് ഒരു ദിര്‍ഹത്തിന് 19.59 ആയി. ഖത്തര്‍ റിയാല്‍ 19.76, സൗദി റിയാല്‍ 19.18, ഒമാന്‍ റിയാല്‍ 187.06, ബഹ്‌റൈന്‍ ദിനാര്‍ 191.28, കുവൈത്ത് ദിനാര്‍ 237.04 എന്നിങ്ങനെയാണ് ഗള്‍ഫ് കറന്‍സികളുടെ നിരക്കുകള്‍.

മാസത്തിന്റെ തുടക്കമായതിനാല്‍ ലഭിക്കുന്ന വേതനം പരമാവധി നാട്ടിലേക്കയക്കാനുള്ള തിരക്കിലാണ് പ്രവാസികള്‍. യുഎഇ ദിര്‍ഹത്തിന് 20 രൂപ വരെ ലഭിക്കുമെന്ന് കണക്കുകൂട്ടുന്നവരുമുണ്ട്. ഒരു മാസത്തിനുള്ളില്‍ ഒരു രൂപയ്ക്കടുത്താണ് വര്‍ധനയുണ്ടായത്.

അസംസ്‌കൃത എണ്ണവില വര്‍ധനയെ തുടര്‍ന്ന് ഡോളറിനെതിരേ രൂപയുടെ മൂല്യം തുടര്‍ച്ചയായി ഇടിഞ്ഞുകൊണ്ടിരിക്കുകയാണ്.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here