ഇന്ത്യയില്‍ ഓണ്‍ലൈന്‍ പണമിടപാട് രംഗത്തേക്ക് ഷവോമി

Sat,Sep 01,2018


ബെയ്ജിങ്: ചൈനീസ് സ്മാര്‍ട്ട് ഫോണ്‍ കമ്പനിയായ 'ഷവോമി' ഇന്ത്യയില്‍ ഡിജിറ്റല്‍ പണമിടപാട് രംഗത്തേക്ക് ചുവടുവയ്ക്കാനൊരുങ്ങുന്നു. ഗൂഗിള്‍, വാട്സാപ്പ് തുടങ്ങിയ ആഗോള ടെക് കമ്പനികളുടെ ചുവടുപിടിച്ചാണ് ഷവോമിയും ഇന്ത്യയിലെ ഓണ്‍ലൈന്‍ പണമിടപാട് വിപണിയിലേക്ക് ചുവടുവയ്ക്കുന്നത്. 'മി പേ' എന്ന പേരിലായിരിക്കും ഷവോമിയുടെ സേവനമെത്തുക. ഇന്ത്യയിലെ രണ്ടാമത്തെ വലിയ സ്മാര്‍ട്ട് ഫോണ്‍ ബ്രാന്‍ഡാണ് ഷവോമി.

പേമെന്റ് സേവനത്തിനായി റിസര്‍വ് ബാങ്കില്‍ നിന്ന് അന്തിമ അനുമതി കാത്തിരിക്കുകയാണ് കമ്പനി. യൂണിഫൈഡ് പെയ്മെന്റ്സ് ഇന്റര്‍ഫെയ്സ് (യു.പി.ഐ.) അധിഷ്ഠിത സേവനമായിരിക്കും കമ്പനി ഒരുക്കുക. ഇതിനായുള്ള ടെസ്റ്റിങ് പുരോഗമിക്കുകയാണ്. രാജ്യത്തെ ഒരു സ്വകാര്യ ധനകാര്യ സ്ഥാപനത്തിന്റെ പിന്തുണയോടെയായിരിക്കും ഷവോമി പേമെന്റ്സ് സേവനം ലഭ്യമാക്കുന്നത്. ആര്‍.ബി.ഐ.യില്‍നിന്ന് അനുമതി ലഭിക്കുന്നതോടെ കൂടുതല്‍ ധനകാര്യ സ്ഥാപനങ്ങളുമായി ധാരണയുണ്ടാക്കും.

ഇന്ത്യയിലെ മൊബൈല്‍ പണമിടപാട് സേവന രംഗത്തേക്ക് എത്തുന്ന രണ്ടാമത്തെ ചൈനീസ് കമ്പനിയായിരിക്കും ഷവോമി. മൊബൈല്‍ പേമെന്റ്സ് രംഗത്ത് പ്രവര്‍ത്തിക്കുന്ന പേടിഎം എന്ന ഇന്ത്യന്‍ കമ്പനിയില്‍ ചൈനയിലെ ഇ-കൊമേഴ്സ് വമ്പന്‍മാരായ ആലിബാബയ്ക്ക് ഓഹരി പങ്കാളിത്തമുണ്ട്. മൊബൈല്‍ വാലറ്റ് സേവനമൊരുക്കുന്ന പേടിഎമ്മില്‍ വാരന്‍ ബഫെറ്റിന്റെ ബെര്‍ക്ക്ഷെയര്‍ ഹാത്തവേ 2,500 കോടി രൂപ മുതല്‍മുടക്കുന്നതായി കഴിഞ്ഞ ദിവസം വ്യക്തമാക്കിയിരുന്നു.

ഗൂഗിളും ഈ രംഗത്തെ സാന്നിധ്യം ശക്തിപ്പെടുത്തുകയാണ്. ഇതിന്റെ ഭാഗമായി 'ഗൂഗിള്‍ തേസി'ന്റെ പേര് 'ഗൂഗിള്‍ പേ' എന്നാക്കി മാറ്റുകയാണ്. ഓണ്‍ലൈനിലൂടെ വായ്പ ലഭ്യമാക്കുന്ന സേവനവും അവര്‍ തുടങ്ങാനിരിക്കുകയാണ്. ഫ്‌ലിപ്കാര്‍ട്ടിന്റെ ഉടമസ്ഥതയിലുള്ള ഫോണ്‍ പേ, ഫെയ്സ്ബുക്കിന്റെ ഉടമസ്ഥതയിലുള്ള വാട്സ് ആപ്പ് പെയ്മെന്റ്സ് എന്നിവയാണ് ഈ രംഗത്ത് സാന്നിധ്യം ശക്തമാക്കാനിരിക്കുന്ന മറ്റു കമ്പനികള്‍.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here