ഐക്കിയയും ഡാന്യൂബും ഇന്ത്യയില്‍ ഷോറൂമുകള്‍ തുറക്കുന്നു

Thu,Aug 09,2018


ഹൈദരാബാദ്: സ്വീഡിഷ് ഹോം ഫര്‍ണിഷിങ് കമ്പനിയായ ഐക്കിയയ്ക്കു പിന്നാലെ യുഎഇയിലെ ഡാന്യൂബ് ഹോമും ഇന്ത്യയില്‍ ഷോറുമുകള്‍ തുറക്കുന്നു. രാജ്യത്തെ ആദ്യത്തെ സ്‌റ്റോര്‍ ഹൈദരാബാദില്‍ ഔദ്യോഗികമായി തുറന്നതായി ഐക്കിയ അറിയിച്ചു. ടെക്‌നോളജി ഹബ്ബായ ഹൈടെക് സിറ്റിയിലാണ് ഷോറും തുറന്നത്.

13 ഏക്കര്‍ വിസ്തൃതിയിലുള്ള ഷോറൂമില്‍ 7,500ലേറെ ഉത്പന്നങ്ങളാണുള്ളത്. 200 രൂപയില്‍ താഴെ വിലയുള്ള 1000ത്തോളം ഉത്പന്നങ്ങളുണ്ട്. അടുക്കള ഉപകരണങ്ങളും കളിപ്പാട്ടങ്ങളും ഉള്‍പ്പടെയുള്ളവയാണത്. 2025ഓടെ 25ലേറെ ഷോറൂമുകള്‍ രാജ്യത്ത് തുറക്കുമെന്നാണ് കമ്പനിയുമായി ബന്ധപ്പെട്ട വൃത്തങ്ങള്‍ സൂചിപ്പിച്ചത്. മിഡില്‍ ഈസ്റ്റിലെ ഏറ്റവും വലിയ ഹോം ഫര്‍ണിഷിങ് കമ്പനിയായ ഡാന്യൂബ് ഹൈടെക് സിറ്റിക്കു സമീപമുള്ള കൊതഗുഡയിലാണ് ആദ്യത്തെ ഷോറൂം തുറക്കുക. വരുന്ന സെപ്റ്റംബറിലാകും ഡാന്യൂബ് ഹോം ഷോപ്പ് തുറക്കുകയെന്ന് തെലുങ്കാന സര്‍ക്കാരുമായി ബന്ധപ്പെട്ട വൃത്തങ്ങള്‍ സൂചിപ്പിച്ചു.

അടുത്ത അഞ്ചുവര്‍ഷത്തിനുള്ളില്‍ ഡാന്യൂബിന്റെ 30 ഷോറൂമുകള്‍ രാജ്യത്തിന്റെ വിവിധ ഭാഗങ്ങളിലായി ആരംഭിക്കുമെന്ന് ഡയറക്ടര്‍ അദല്‍ സജന്‍ വ്യക്തമാക്കി. ഇതിനായി 300 മില്യണ്‍ ദിര്‍ഹമാണ് നിക്ഷേപംനടത്തുക. വടക്കന്‍ ആഫ്രിക്കയിലും മിഡില്‍ ഈസ്റ്റിലുമായി ഡാന്യൂബിന് നിലവില്‍ 25 ലധികം ഷോറൂമുകളുണ്ട്. അബുദാബിയില്‍ കഴിഞ്ഞ മെയില്‍ 75,0000 ചതുരശ്ര അടി വിസ്തീര്‍ണമുള്ള ഷോറൂം തുറന്നിരുന്നു. 30,000ലധികം ഹോം ഫര്‍ണിഷിങ് ഉത്പന്നങ്ങളാണ് ഡാന്യൂബിന്റെ ഷോറുമുകളിലുള്ളത്.

Other News

  • ജെഎൽആർ ടാറ്റയുടെ കൈകളിലെത്തിച്ച മാന്ത്രികൻ ഇനി ഓർമ്മ
  • ജപ്പാന്റെ കടം ജിഡിപിയുടെ 250% കൂടുതല്‍
  • 'അനിയന്‍ ബാവയെ' ജയില്‍ ശിക്ഷയില്‍ നിന്ന് രക്ഷിച്ച് 'ചേട്ടന്‍ ബാവ'; അനില്‍ അംബാനിയുടെ 550 കോടി രൂപയുടെ കുടിശിക തീര്‍ത്ത് മുകേഷ് അംബാനി
  • ജെ & ജെ കാന്‍സര്‍ രോഗിക്ക് നഷ്ടപരിഹാരം നല്‍കണം
  • ഒറ്റ ചാര്‍ജില്‍ 480 കി.മീ ലഭിക്കുന്ന ചെറു എസ്.യു.വി 'മോഡല്‍ വൈ' ടെസ്ല പുറത്തിറക്കി
  • ഗൂഗിളും ഫോള്‍ഡബിള്‍ ഫോണ്‍ വിപണിയിലേക്ക്? പേറ്റന്റ് രേഖകള്‍ പുറത്ത്
  • ആന്‍ഡ്രോയിഡ്,വിന്‍ഡോസ് കയറ്റുമതി അമേരിക്ക നിറുത്തുമോ എന്ന ഭയം; വാവേയ് സ്വന്തമായി ഓപ്പറേറ്റിംഗ് സിസ്റ്റം വികസിപ്പിച്ചു
  • റോയല്‍ എന്‍ഫീല്‍ഡ് ട്രെയല്‍സ്‌ ഉടനെത്തും
  • ഫെയ്‌സ് ബുക്ക് നിശ്ചലമായി, ടെലിഗ്രാഫിനുണ്ടായത് മികച്ച നേട്ടം
  • ഇന്ത്യന്‍ ഭരണകൂടത്തില്‍ നിന്നും സമ്മര്‍ദ്ദം; വ്യാജവാര്‍ത്തകളും തെറ്റദ്ധാരണകളും നിയന്ത്രിക്കാന്‍ നടപടികള്‍ സ്വീകരിച്ചതായി വാട്‌സാപ്പ് ഇന്ത്യ മേധാവി
  • യു.എസ് തൊഴില്‍ ലഭ്യതാ വളര്‍ച്ചയില്‍ കുറവ് രേഖപ്പെടുത്തി
  • Write A Comment

     
    Reload Image
    Add code here