ഗാലക്‌സി നോട്ട് 9 ന്റെ റീടെയില്‍ ബോക്‌സിലെ വിവരങ്ങള്‍ പരസ്യമായി

Sun,Aug 05,2018


സാംസങ്ങിന്റെ ഏറ്റവും പുതിയ സ്മാര്‍ട്‌ഫോണ്‍ ഗാലക്‌സി നോട്ട് 9 ന്റെ റീടെയില്‍ ബോക്‌സിലെ വിവരങ്ങള്‍ പരസ്യമായി. @dryab എന്ന ട്വിറ്റര്‍ ഉപയോക്താവാണ് ഫോണിന്റെ പെട്ടിയുടെ ചിത്രം പുറത്തുവിട്ടത്. ഫോണിന്റെ ഒട്ടുമിക്ക സവിശേഷതകളും പെട്ടിയില്‍ രേഖപ്പെടുത്തിയിട്ടുണ്ട്. ക്യാമറ, സ്റ്റോറേജ്, ഡിസ്‌പ്ലേ എന്നിവ സംബന്ധിച്ച വിവരങ്ങള്‍ ഇതില്‍ ഉള്‍പ്പെടുന്നു. പക്ഷെ ഈ പെട്ടി യഥാര്‍ത്ഥത്തില്‍ സാംസങ് ഗാലക്‌സി നോട്ട് 9 ന്റേത് തന്നെയാണോ അതോ വ്യാജമാണോ എന്ന് ഉറപ്പിക്കാനായിട്ടില്ല.

പെട്ടിയില്‍ രേഖപ്പെടുത്തിയ വിവരമനുസരിച്ച്, ഗ്യാലക്‌സി എസ് നോട്ട് 9 ല്‍ ക്വാഡ് എച്ച്ഡി പ്ലസ് റസലൂഷനിലുള്ള 6.4 ഇഞ്ച് അമോലെഡ് ഡിസ്‌പ്ലേയാണുള്ളത്. 128 ജിബി സ്റ്റോറേജും 4000 mAh ബാറ്ററിയും ഫോണിനുണ്ട്. 12 മെഗാപിക്‌സല്‍ സെന്‍സറുകളാണ് ഫോണിന്റെ ഡ്യുവല്‍ ക്യാമറയ്ക്കുള്ളത്. എട്ട് മെഗാപിക്‌സലിന്റേതാണ് സെല്‍ഫി ക്യാമറ.

960 ഫ്രെയിംസില്‍ സൂപ്പര്‍ സ്ലോമോഷന്‍ വീഡിയോ പകര്‍ത്താന്‍ ഇതില്‍ സാധിക്കും. റിമോട്ട് കണ്‍ട്രോള്‍ സൗകര്യത്തോടുകൂടിയ പുതിയ എസ് പെന്നും ഫോണിനൊപ്പമുണ്ട്. ഇതിന്റെ പ്രവര്‍ത്തനം എങ്ങനെയാണെന്ന് വ്യക്തമല്ല. പാട്ടുകള്‍ നിയന്ത്രിക്കാനും ചിത്രങ്ങളെടുക്കാനുമായിരിക്കാം ഇത് ഉപയോഗിക്കുന്നത്.

ഗാലക്‌സി നോട്ട് 8 ഫോണില്‍ നിന്നും ചെറിയ മാറ്റങ്ങളാണ് ഗാലക്‌സി നോട്ട് 9 നുള്ളത്.ഓഗസ്റ്റില്‍ ന്യൂയോര്‍ക്കിലാണ് ഗാലക്‌സി നോട്ട് 9 രംഗപ്രവേശം ചെയ്യുക. ഓഗസ്റ്റില്‍ തന്നെ ഇന്ത്യയിലും ഫോണ്‍ എത്തിയേക്കും. 71,990 രൂപയാണ് ഫോണിന് പ്രതീക്ഷിക്കുന്നത്.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here