സെന്‍സര്‍ഷിപ്പുകള്‍ പാലിച്ച് ഗൂഗിള്‍ ചൈനയില്‍ സെര്‍ച്ച് എഞ്ചിന്‍ തുടങ്ങുന്നു; ജീവനക്കാര്‍ പ്രതിഷേധത്തില്‍

Fri,Aug 03,2018


ചൈനയ്ക്ക് മാത്രമായി ഒരു സെര്‍ച്ച് എഞ്ചിന്‍ തുടങ്ങാനൊരുങ്ങുകയാണ് ആഗോള ഐ.ടി ഭീമനായ ഗൂഗിള്‍. മനുഷ്യാവകാശം, ജനാധിപത്യം, മതം, പ്രതിഷേധങ്ങള്‍ തുടങ്ങിയവയുമായി ബന്ധപ്പെട്ട എല്ലാം തന്നെ തടയുന്ന രീതിയിലാകും ഈ സര്‍ച്ച് എഞ്ചിനില്‍ വിവരങ്ങള്‍ ലഭിക്കുക. വിപണി പിടിച്ചടക്കാനായി ചൈനയുടെ അതിരുകടന്ന സെന്‍സര്‍ഷിപ്പുകള്‍ക്ക് ഗൂഗിള്‍ വഴങ്ങിക്കൊടുക്കുകയാണെന്നും ഇത് ഇന്റര്‍നെറ്റ് ചരിത്രത്തിലെ തന്നെ കറുത്ത അധ്യായമാണെന്നും ആംനസ്റ്റി ഇന്റര്‍നാഷണല്‍ കുറ്റപ്പെടുത്തി. എട്ട് വര്‍ഷം മുന്‍പ് ചൈനയില്‍ നേരിട്ട വിലക്ക് മറികടക്കാനാണ് ഗൂഗിളിന്റെ നീക്കം. എന്നാല്‍ ഈ കാര്യത്തില്‍ സ്വന്തം ജീവനക്കാരില്‍ നിന്നു തന്നെ സി.ഇ.ഒ സുന്ദര്‍പിച്ചൈ എതിര്‍പ്പ് നേരിടുന്നുണ്ടെന്നാണ് റിപ്പോര്‍ട്ട്.

ലോകത്തിലെ വിവരങ്ങള്‍ ഏകീകരിക്കുക, അത് ആവശ്യത്തിന് വിതരണം ചെയ്യുക എന്ന ഗൂഗിളിന്റെ പ്രഖ്യാപിത ലക്ഷ്യത്തില്‍ നിന്നുള്ള പിന്തിരിയലാണ് ഇതെന്നാണ് ചില ഗൂഗിള്‍ ജീവനക്കാരുടെ അഭിപ്രായം. എന്നാല്‍ സാങ്കേതികമായ ചൈനയുടെ വളര്‍ച്ചയും ചൈന മുന്നോട്ട് വെക്കുന്ന വിപണി സാധ്യതയും ഉപയോഗപ്പെടുത്തുക എന്നതാണ് പുതിയ നീക്കത്തിലൂടെ ലക്ഷമിടുന്നതെന്നാണ് എതിര്‍പക്ഷത്തിന്റെ വാദം. എന്നാല്‍ പിച്ചൈയുടെ ശൈലികളോട് നേരത്തെ എതിര്‍പ്പുണ്ടായിരുന്ന ഗൂഗിളിലെ ഒരു വിഭാഗം ഇതിനെതിരെ കടുത്ത പ്രതിഷേധവുമായി രംഗത്തെത്തിക്കഴിഞ്ഞു.

ബ്ലൂബര്‍ഗ് ന്യൂസിനോട് പ്രതികരിച്ച ഒരു ഗൂഗിള്‍ ജീവനക്കാരന്‍ മുന്‍പ് പെന്റഗണുമായി ഗൂഗിള്‍ ആരംഭിച്ച പ്രൊജക്ട് മാവനോടാണ് പുതിയ സെര്‍ച്ച് എഞ്ചിനെ ഉപമിച്ചത്. ഗൂഗിളില്‍ കലാപത്തിന് കാരണമായ ഈ പ്രൊജക്ട് പിന്നീട് കമ്പനി ഉപേക്ഷിച്ചിരുന്നു. മറ്റൊരു ജീവനക്കാരന്‍ ഇതിനെ വിശേഷിപ്പിച്ചത് സെന്‍സര്‍ഷിപ്പ് എഞ്ചിന്‍ എന്നാണ്. ശരിയായ വിവരം നല്‍കുക എന്ന പ്രാഥമിക കടമക്ക വിരുദ്ധമാണ് ഈ പദ്ധതിയെന്നും അദ്ദേഹം കൂട്ടിച്ചേര്‍ത്തു. നിലവില്‍ ലോകത്തെ ഏറ്റവും വലിയ ഇന്റര്‍നെറ്റ് വിപണിയാണ് ചൈന.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here