കമ്പോള മൂല്യത്തില്‍ റിലയന്‍സ് ടിസിഎസിനെ മറികടന്നു

Thu,Aug 02,2018


മുംബൈ: ഇന്ത്യയിലെ ഏറ്റവും മൂല്യമുളള കമ്പനിയായി മാറി മുകേഷ് അംബാനിയുടെ റിലയന്‍സ് ഇന്‍ഡസ്ട്രീസ് പുതിയ ചരിത്രം കുറിച്ചു. വിപണി മൂല്യത്തില്‍ ടാറ്റ ഗ്രൂപ്പിന്റെ ഐടി കമ്പനിയായ ടാറ്റാ കണ്‍സള്‍ട്ടന്‍സി സര്‍വീസസിനെ (ടിസിഎസ്) മറികടന്നാണ് ആര്‍.ഐ.എല്‍ ഈ നേട്ടം കൈവരിച്ചിരിക്കുന്നത്.
റിലയന്‍സ് ഓഹരികളുടെ വില 3.1 ശതമാനം കയറി 1185.85 ആയപ്പോള്‍ കമ്പോളമൂല്യം (കമ്പനിയുടെ മുഴുവന്‍ ഓഹരികള്‍ക്കും കൂടിയുള്ള വില) 7.56 ലക്ഷം കോടി രൂപയായി. അതേസമയം, ടി.സി.എസ് ഓഹരിവില 0.19 ശതമാനം താണ് 1941.25 രൂപയായി. അപ്പോള്‍ ടിസിഎസിന്റെ കമ്പോളമൂല്യം 7.43 ലക്ഷം കോടി രൂപ.
ഏപ്രില്‍ -ജൂണ്‍ കാലയളവില്‍ റിലയന്‍സ് 9,459 കോടി രൂപയുടെ റിക്കാര്‍ഡ് ലാഭം കുറിച്ചതും റിലയന്‍സ് ജിയോയും റിലയന്‍സ് റീട്ടെയ്ലും പ്രതീക്ഷയിലും മികച്ച ലാഭം നേടിയതും റിലയന്‍സ് ഓഹരികള്‍ കുതിക്കാന്‍ കാരണമായി. പെട്രോകെമിക്കല്‍ രംഗത്തു റിലയന്‍സിന്റെ ലാഭം 35 ശതമാനം കണ്ടു വര്‍ധിച്ചു. റിലയന്‍സിന്റെ ത്രൈമാസ വിറ്റുവരവ് 56.5 ശതമാനം വര്‍ധിച്ച് 1.4 ലക്ഷം കോടി രൂപ ആവുകയും ചെയ്തു.
2018ല്‍ ഏറ്റവും മികച്ച പ്രകടനം നടത്തുന്ന കമ്പനികളിലൊന്നാണ് റിലയന്‍സ് ഇന്‍ഡസ്ട്രീസ്. ടെലികോം മേഖലയിലേക്ക് ഡിസ്‌റപ്ഷനോട് കൂടി റിലയന്‍സ് ജിയോ ഇന്‍ഫോകോം എത്തിയത് മുതല്‍ വമ്പന്‍ കുതിപ്പാണ് റിലയന്‍സ് ഇന്‍ഡസ്ട്രീസ് നടത്തുന്നത്. ഈ വര്‍ഷം ജനുവരിയില്‍ ജിയോ ആദ്യമായി ലാഭം കൈവരിക്കുകയും ചെയ്തു. 504 കോടി രൂപയുടെ ലാഭമാണ് ജിയോ നേടിയത്.
ടി.സി.എസ് പ്രകടനവും മോശമല്ല. 24 ശതമാനമാണ് ലാഭവര്‍ധന. വിറ്റുവരവ് 16 ശതമാനം കൂടി. 7340 കോടി രൂപയാണ് ടി.സി.എസിന്റെ അറ്റാദായം. റിലയന്‍സിന്റെ ഉയര്‍ച്ചയുടെ ബലത്തില്‍ ഓഹരി സൂചികകള്‍ പുതിയ റിക്കാര്‍ഡ് ഉയരത്തിലെത്തി. സെന്‍സെക്‌സ് 112.18 പോയിന്റ് ഉയര്‍ന്ന് 37,606.58 ല്‍ ക്ലോസ് ചെയ്തു. നിഫ്റ്റി 11,356.50ല്‍ ക്ലോസ് ചെയ്തപ്പോള്‍ ഉയര്‍ച്ച 36.95 പോയിന്റ്. വ്യാപാരത്തിനിടെ സെന്‍സെക്‌സ് 37,644.59ഉം നിഫ്റ്റി 11,366ഉം പോയിന്റ് വരെ കയറിയിരുന്നു.

Other News

  • ഭ​ര​ണ​പ്ര​തി​സ​ന്ധി;ട്രമ്പ്​ ലോ​ക​സാ​മ്പ​ത്തി​ക ഉ​ച്ച​കോ​ടി​ക്കി​ല്ല
  • മോഡി സര്‍ക്കാര്‍ ഭരിച്ച നാലര വര്‍ഷംകൊണ്ട് സര്‍ക്കാരിന്റെ കടബാധ്യത 49 ശതമാനംകൂടി 82 ലക്ഷം കോടി രൂപയായി
  • ആമസോണില്‍ വില്‍പനയ്ക്ക് വെച്ച ഫെയ്‌സ്ബുക്കിന്റെ 'പോര്‍ട്ടല്‍' സ്മാര്‍ട് സ്‌ക്രീനിന് സ്വന്തം ജീവനക്കാരുടെ തന്നെ അഞ്ച് സ്റ്റാര്‍ റേറ്റിങും മികച്ച അഭിപ്രായവും
  • സുഗന്ധവ്യഞ്ജന ഗുണനിലവാരം: കോഡക്‌സ് കമ്മിറ്റിയുടെ നാലാം യോഗം കേരളത്തില്‍
  • ബൈജൂസ് അമേരിക്കൻ കമ്പനിയെ ഏറ്റെടുത്തു
  • തലച്ചോറിനെ ഇന്റര്‍നെറ്റുമായി ബന്ധിപ്പിക്കുന്ന അത്ഭുത പദ്ധതിയുമായി ഇലോണ്‍ മസ്‌ക്
  • തെരഞ്ഞെടുപ്പ് നോട്ടമിട്ട് ബി.ജെ.പി വീണ്ടും;ആദായ നികുതി പരിധി അഞ്ച് ലക്ഷമാക്കിയേക്കും
  • എല്‍ഐസിയുടെ വിപണി വിഹിതം 70ശതമാനത്തിന് താഴെ
  • ബ്രാന്‍ഡ് മൂല്യമുള്ള താരങ്ങളുടെ പട്ടികയില്‍ ഒന്നാമത് കോലി, ദീപിക പദുക്കോണ്‍ തൊട്ടുപിന്നില്‍
  • പാക്കിസ്ഥാനില്‍ 70,000 കോടി രൂപയുടെ എണ്ണശുദ്ധീകരണശാല പദ്ധതിയുമായി സൗദി
  • ഇന്ത്യ 2030-ഓടെ ലോകത്തിലെ മൂന്നാമത്തെ വലിയ ഉപഭോക്തൃ വിപണിയായി ഉയരുമെന്ന് ലോക സാമ്പത്തിക ഫോറം
  • Write A Comment

     
    Reload Image
    Add code here