ജിയോയ്ക്ക് ബദല്‍: ഐഡിയ വോഡഫോണ്‍ ലയന നടപടികള്‍ പൂര്‍ത്തിയായി; തുടര്‍ സേവനം പുതിയ പേരില്‍

Wed,Jul 25,2018


ന്യൂഡല്‍ഹി: ഇന്ത്യയിലെ പ്രമുഖ ടെലികോം സേവന ദാതാക്കളാ ഐഡിയയും വോഡഫോണും തമ്മില്‍ ലയിക്കുന്നതിനുള്ള നടപടികള്‍ പൂര്‍ത്തിയായി.
ഇരു കമ്പനികളും ചേര്‍ന്നുളള സംരംഭം പുതിയ പേരിലാവും തുടര്‍ന്ന് അറിയപ്പെടുക.
ഇരുകമ്പനികളും ടെലികോം മന്ത്രാലയവുമായുണ്ടായിരുന്ന മുഴുവന്‍ സാമ്പത്തിക ഇടപാടുകളെല്ലാം തീര്‍ത്തു. പുതിയ കമ്പനിക്കായുളള പുതിയ ലോഗോ ഉടന്‍ പുറത്തിറക്കുമെന്നാണ് വിവരം.
ഇരു കമ്പനികളും പുതിയ പേരില്‍ എത്തുന്നതോടെ ഇന്ത്യയില്‍ വോഡഫോണ്‍, ഐഡിയ പേരുകള്‍ അപ്രത്യക്ഷമാകും. ഇതോടെ ജിയോയെ നേരിടാന്‍ നിരക്കുകളിലടക്കം വന്‍ ഇളവുകള്‍ല പുതിയ കമ്പനി അനുവദിച്ചേക്കും എന്നാണ് സൂചന. ലയിക്കുന്നതിന്റെ മുന്നോടിയായി ലൈന്‍സ് ഫീസുകള്‍, സ്‌പെക്ട്രം ഉപയോഗ ചാര്‍ജുകള്‍, വണ്‍ ടൈം സ്‌പെക്ട്രം ചാര്‍ജുകള്‍ എന്നിവ രണ്ടു കമ്പനികളും സര്‍ക്കാരിന് നല്‍കേണ്ടതുണ്ടായിരുന്നു. ഇതാണ് ലയിക്കല്‍ നീക്കം വൈകിയത്.
റിലയന്‍സ് ജിയോയുടെ കടന്നു വരവാണ് ഐഡിയയും വോഡഫോണും ഒന്നിക്കാനുളള സാഹചര്യമൊരുക്കിയത്. കഴിഞ്ഞ വര്‍ഷമാണ് ഐഡിയ സെല്ലുലാറും വോഡഫോണ്‍ ഇന്ത്യയും ലയിക്കാന്‍ തീരുമാനിച്ചത് .
ഇരു കമ്പനികളും ലയിക്കുന്നതോടെ വോഡഫോണിന് 45 ശതമാനം ഓഹരികള്‍ സ്വന്തമാകും. മൂന്നു വീതം ഡയറക്ടര്‍മാരെ പുതിയ ബോര്‍ഡിലേക്ക് ഇരുകമ്പനികളും നോമിനേറ്റ് ചെയ്യും. ചെയര്‍മാനെ നിയമിക്കാനുള്ള അവകാശം ഐഡിയയ്ക്കായിരിക്കും.
ലയനം നടക്കുന്നതോടെ ഇന്ത്യയിലെ ഏറ്റവും വലിയ ടെലികോം കമ്പനിയാണു രൂപപ്പെടുക. ബ്രിട്ടിഷ് കമ്പനിയായ വോഡഫോണിന്റെ പൂര്‍ണ ഉടമസ്ഥതയിലുള്ള ഉപസ്ഥാപനമാണ് വോഡഫോണ്‍ ഇന്ത്യ. ആദിത്യ ബിര്‍ല ഗ്രൂപ്പിന് 42.2% ഓഹരിയുള്ള ഐഡിയ സെല്ലുലാറില്‍ മലേഷ്യന്‍ കമ്പനിയായ ഏക്‌സ്യാറ്റ ഗ്രൂപ്പിന് 19.8% ഓഹരിയുണ്ട്.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here