പുത്തന്‍ ഫീച്ചറുകളുമായി സ്‌കൈപ്പ് 8.0

Sat,Jul 21,2018


വീഡിയോകോള്‍/വോയ്‌സ്‌കോള്‍ ആപ്ലിക്കേഷനായ സ്‌കൈപ്പിന്റെ ഡെസ്‌ക്ടോപ്പ് പതിപ്പിന് പുതിയ മുഖം വരുന്നു. സ്‌കൈപ്പിന്റെ ക്ലാസിക് 7.0 ആപ്പിന് പകരമായാണ് പുതിയ ഡെസ്‌ക്ടോപ്പ് പതിപ്പ് അവതരിപ്പിക്കുന്നത്. എച്ച്ഡി വീഡിയോകോള്‍, 24 ആളുകളുമായി ഒരേസമയം സംവദിക്കാന്‍ സാധിക്കുന്ന ഗ്രൂപ്പ് കോള്‍ തുടങ്ങിയ സൗകര്യങ്ങളാണ് സ്‌കൈപ്പിന്റെ പുതിയ ഡെസ്‌ക്ടോപ്പ് പതിപ്പിലുള്ളത്.

സ്‌കൈപ്പ് കമ്മ്യൂണിറ്റിയുടെ ആവശ്യപ്രകാരമാണ് സ്‌കൈപ്പിന്റെ 8.0 പതിപ്പ് പുറത്തിറക്കുന്നതൈന്ന് സ്‌കൈപ്പ് ബ്ലോഗ്‌പോസ്റ്റില്‍ പറഞ്ഞു. സ്‌കൈപ്പ് 7.0 പതിപ്പില്‍ പരിചിതമായ അതേ രീതിയില്‍ തന്നെയാണ് പുതിയ പതിപ്പും ഉപയോഗിക്കുകയെന്നും മൈക്രോസോഫ്റ്റ് പറയുന്നു.

സ്‌കൈപ്പ് 8.0യില്‍ മെസേജ് റിയാക്ഷനുകള്‍, ഗ്രൂപ് ചാറ്റില്‍ ഒരോ വ്യക്തികള്‍ക്കും പ്രത്യേകം നോട്ടിഫിക്കേഷന്‍ ലഭിക്കുന്നതിനായുള്ള @ മെന്‍ഷനുകള്‍, ചാറ്റ് മീഡിയാ ഗാലറി, ഒരുസമയം 300 ചിത്രങ്ങളും വീഡിയോകളും വരെ അയക്കുക തുടങ്ങിയ സൗകര്യങ്ങള്‍ സ്‌കൈപ്പില്‍ ലഭ്യമാവും.

ഇത് കൂടാതെ റീഡ് റസീറ്റുകള്‍, എന്റ് റ്റു എന്റ് എന്‍ക്രിപ്ഷന്‍, ക്ലൗഡ് അഡിസ്ഥാനമാക്കിയുള്ള വീഡിയോകോള്‍ റെക്കോഡിങ് പ്രൊഫൈല്‍ ഇന്‍വൈറ്റ്‌സ് പോലുള്ള കൂടുതല്‍ ഫീച്ചറുകള്‍ താമസിയാതെ അവതരിപ്പിക്കാനും സ്‌കൈപ്പിന് പദ്ധതിയുണ്ട്. ഐപാഡുകളിലും സ്‌കൈപ്പ് 8.0 പതിപ്പ് ലഭ്യമാവും.

വ്യക്തിപരമായ ആവശ്യങ്ങളേക്കാള്‍ ഔദ്യോഗിക ആവശ്യങ്ങള്‍ക്കായി ഏറെ പ്രയോജനപ്പെടുത്തുന്ന ആശയവിനിമയ സേവനമാണ് സ്‌കൈപ്പ്. വീഡിയോ കോണ്‍ഫറന്‍സുകള്‍ക്കും ക്ലാസുകള്‍ക്കും മറ്റുമായി സ്‌കൈപ്പ് പ്രയോജനപ്പെടുത്തുന്ന നിരവധി സ്ഥാപനങ്ങളുണ്ട്.

ഈ സ്ഥാപനങ്ങളെ ലക്ഷ്യമിട്ടാവണം 24 പേരെ ഉള്‍ക്കൊള്ളിക്കാന്‍ സാധിക്കുന്ന വീഡിയോ കോളിങ് സംവിധാവും അതുമായി ബന്ധപ്പെട്ട മറ്റ് ഫീച്ചറുകളും സ്‌കൈപ്പ് കൊണ്ടുവരുന്നത്. സെപ്റ്റംബര്‍ ഒന്നു മുതലാണ് പുതിയ അപ്‌ഡേറ്റ് ലഭിക്കുക.

Other News

  • മിനിമം കൂലി 9,750 രൂപ നിര്‍ദേശം കേന്ദ്ര സര്‍ക്കാര്‍ അംഗീകരിച്ചേക്കും
  • ടിക്കറ്റ് നിരക്കിൽ ഇളവുമായി എയർ ഏഷ്യ
  • തിരുവനന്തപുരം വിമാനത്താവള നടത്തിപ്പ് ഏറ്റെടുക്കാന്‍ കെഎസ്‌ഐഡിസിയ്‌ക്കൊപ്പം അദാനിയും ജിഎംആറും കൂടി രംഗത്ത്
  • മൂന്നാം പാദ പ്രവര്‍ത്തനഫലം; ഇന്ത്യന്‍ കോര്‍പറേറ്റ് ലാഭത്തില്‍ ഇടിവ്
  • കടക്കെണിയിലേക്ക് കൂപ്പുകുത്തുന്ന ഇന്ത്യയിലെ ആദ്യ സ്വകാര്യവിമാന കമ്പനിയുടെ നിയന്ത്രണം എത്തിഹാദിന്റെ കൈകളിലേക്ക്‌
  • ശരീരത്തിന്റെ പൊതു അളവുകോലുകള്‍ രേഖപ്പെടുത്തിയ ദേശീയ പട്ടിക രൂപപ്പെടുത്താന്‍ ഇന്ത്യന്‍ ടെക്‌സ്റ്റൈല്‍ മന്ത്രാലയം!
  • പാക്കിസ്ഥാന്‍ ദീര്‍ഘകാല സുഹൃത്തെന്ന് സൗദി; ഇരുരാജ്യങ്ങളും ചേര്‍ന്ന് 20 ബില്യന്‍ ഡോളറിന്റെ വിവിധ കരാറുകളില്‍ ഒപ്പുവെച്ചു
  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • Write A Comment

     
    Reload Image
    Add code here