സിലിക്കണ്‍വാലിയില്‍ ടെക്ക് ജീവനക്കാരുടെ കൂട്ടായ്മ മാനേജ്‌മെന്റ് നയങ്ങളെ സ്വാധീനിക്കുന്നു, പെന്റഗണിന് ആര്‍ട്ടിഫിഷ്യല്‍ ഇന്റലിജന്റ്‌സ് ഉപകരണങ്ങള്‍ വില്‍ക്കുന്നതില്‍ നിന്നും ഇവര്‍ ഗൂഗിളിനെ പിന്തിരിപ്പിച്ചു

Wed,Jul 18,2018


സാന്‍ഫ്രാന്‍സിസ്‌ക്കോ:സിലിക്കണ്‍ വാലിയിലെ ഐ.ടി പ്രൊഫഷണലുകള്‍ ബാഹ്യഗ്രൂപ്പുകളുടെ സഹായത്താല്‍ ആക്ടിവിസത്തിലേക്ക് തിരിയുന്നതായി റിപ്പോര്‍ട്ട്. പ്രമുഖ കമ്പനികളായ ഗൂഗിള്‍,മൈക്രോസോഫ്റ്റ്, ആമസോണ്‍ എന്നിവയിലെ ഐടി പ്രൊഫഷണലുകളാണ് വിവിധ തൊഴിലാളി സംഘടനകളുടെ പ്രേരണയില്‍ മാനേജിമെന്റിനെ സ്വാധീനിക്കാനായി സംഘടിക്കുന്നത്.ടെക് ജീവനക്കാരുടെ സംഘടന, coworker.org തുടങ്ങിയവയും അംഗീകൃത സംഘടനകളായ ആംനെസ്റ്റി ഇന്റര്‍നാഷണല്‍,ഹ്യൂമന്‍ റൈറ്റ്‌സ് വാച്ച് എന്നീ സംഘടനകളും സിലിക്കണ്‍വാലിയില്‍ സജീവമായി പ്രവര്‍ത്തിച്ചുവരുന്നതായി റോയിട്ടേഴ്‌സ് റിപ്പോര്‍ട്ട് ചെയ്യുന്നു.

മിക്കവാറും ഐ.ടി പ്രൊഫഷണലുകള്‍ ഇവയിലേതെങ്കിലും സംഘടനയില്‍ അംഗമാണ്. മാനേജ്‌മെന്റ് നയങ്ങളെ സ്വാധീനിക്കാന്‍ തൊഴിലാളികളുടെ ഈ കൂട്ടായ്മയ്ക്ക് സാധിക്കുന്നു എന്നത് ദൂരവ്യാപക പ്രത്യാഘാതങ്ങളുണ്ടാക്കുമെന്ന് റിപ്പോര്‍ട്ട് പറയുന്നു. കഴിഞ്ഞമാസം പെന്റഗണിന് ആര്‍ട്ടിഫിഷ്യല്‍ ഇന്റലിജന്റ്‌സ് ഉപകരണങ്ങള്‍ വില്‍ക്കുന്നതില്‍ നിന്നും ഗൂഗിളിനെ പിന്തിരിപ്പിക്കാന്‍ തൊഴിലാളി കൂട്ടായ്മയ്ക്ക് സാധിച്ചു. 4000 ജീവനക്കാര്‍ ഒപ്പുവച്ച പ്രമേയമാണ് ഇത് സംബന്ധിച്ച് അവകാശ സംഘടനകള്‍ ഗൂഗിള്‍ മാനേജ്‌മെന്റിന് കൈമാറിയത്. തങ്ങള്‍ക്ക് അധികാരമുണ്ടെന്നും അത് പ്രയോഗിച്ച് ഇപ്പോള്‍ കാര്യങ്ങള്‍ തീരുമാനിക്കാന്‍ സാധിക്കുന്നുവെന്നുമാണ് ഇതിനെക്കുറിച്ച് കൂട്ടായ്മ അംഗമായ ടൈലര്‍ ബ്രീസാച്ചറുടെ പ്രതികരണം.

ഇടവേളകളില്‍ ടെക്ക് പ്രൊഫഷണലുകള്‍ യോഗം ചേരുന്നതും ടെര്‍മിനേറ്റ് ചെയ്യാന്‍ സാധ്യതയുള്ള സഹപ്രവര്‍ത്തകര്‍ക്കുവേണ്ടി വാദിക്കുന്നതും ഇവിടെ പതിവായിരിക്കയാണെന്ന് റിപ്പോര്‍ട്ട് പറയുന്നു. 2015 ല്‍ അന്‍പതുപേരുമായി രൂപം കൊണ്ട ടെക്ക് വര്‍ക്കേഴ്‌സ് യൂണിയന്‍ പിന്നീട് വളര്‍ന്ന് പന്തലിക്കുകയും 2016 ലെ പ്രസിഡന്റ് ഇലക്ഷനിലും മറ്റും പ്രവര്‍ത്തിക്കുകയും ചെയ്തു. ആര്‍ട്ടിഫിഷ്യല്‍ ഇന്റലിജന്റ്‌സ് ഉപകരണങ്ങള്‍ പെന്റഗണിന് വില്‍ക്കുന്നതുമായി ബന്ധപ്പെട്ട പെറ്റീഷനു പിറകെ ഭാവിയില്‍ എന്ന് ഓഹരികള്‍ ലിസ്റ്റ് ചെയ്യണം എന്ന കാര്യത്തില്‍ യൂണിയന്‍ തങ്ങളുടെ അഭിപ്രായങ്ങള്‍ മാനേജ്‌മെന്റിനെ ബോധിപ്പിച്ചു.

സമാനമായ പ്രവര്‍ത്തനങ്ങള്‍ മറ്റ് പ്രമുഖ കമ്പനികളായ ആമസോണിലും മൈക്രോസോഫ്റ്റിലും സജീവമാണ്. ലോ എന്‍ഫോഴ്‌സ്‌മെന്റ് ഏജന്‍സികള്‍ക്ക് ഫേഷ്യല്‍ റെക്കഗനിഷന്‍ സംവിധാനങ്ങള്‍ വിലക്കുന്നതിനെതിരെ ആമസോണ്‍ ജീവനക്കാര്‍ മാനേജ്‌മെന്റിന് കത്തയച്ചത് ഉദാഹരണം. മെക്‌സിക്കോ ബോര്‍ഡറില്‍ കുടുംബാംഗങ്ങളെ മാറ്റി താമസിപ്പിക്കുന്ന യു.എസ് ഇമിഗ്രേഷന്‍ ആന്റ് കസ്റ്റംസ് എന്‍ഫോഴ്‌സ്‌മെന്റുമായി സഹകരിച്ച് പ്രവര്‍ത്തിക്കുന്നതിനെതിരെ മൈക്രോസോഫ്റ്റിലെ ജീവനക്കാരും ശബ്ദമുയര്‍ത്തി.

ധാര്‍മ്മികതയും ജീവനക്കാരുടെ പിന്തുണയും നഷ്ടപ്പെടുന്ന പക്ഷം കമ്പനികള്‍ക്ക് കഷ്ടകാലമായിരിക്കുമെന്നാണ് ഇത് സംബന്ധിച്ച് നോണ്‍ പ്രോഫിറ്റ് ഓര്‍ഗനൈസേഷനായ ഹ്യമേയ്ന്‍ ടെക്‌നോളജി വക്താവ് ലിന്‍ ഫോക്‌സ് പ്രതികരിച്ചത്.

Other News

  • തിരുവനന്തപുരം വിമാനത്താവള നടത്തിപ്പ് ഏറ്റെടുക്കാന്‍ കെഎസ്‌ഐഡിസിയ്‌ക്കൊപ്പം അദാനിയും ജിഎംആറും കൂടി രംഗത്ത്
  • മൂന്നാം പാദ പ്രവര്‍ത്തനഫലം; ഇന്ത്യന്‍ കോര്‍പറേറ്റ് ലാഭത്തില്‍ ഇടിവ്
  • കടക്കെണിയിലേക്ക് കൂപ്പുകുത്തുന്ന ഇന്ത്യയിലെ ആദ്യ സ്വകാര്യവിമാന കമ്പനിയുടെ നിയന്ത്രണം എത്തിഹാദിന്റെ കൈകളിലേക്ക്‌
  • ശരീരത്തിന്റെ പൊതു അളവുകോലുകള്‍ രേഖപ്പെടുത്തിയ ദേശീയ പട്ടിക രൂപപ്പെടുത്താന്‍ ഇന്ത്യന്‍ ടെക്‌സ്റ്റൈല്‍ മന്ത്രാലയം!
  • പാക്കിസ്ഥാന്‍ ദീര്‍ഘകാല സുഹൃത്തെന്ന് സൗദി; ഇരുരാജ്യങ്ങളും ചേര്‍ന്ന് 20 ബില്യന്‍ ഡോളറിന്റെ വിവിധ കരാറുകളില്‍ ഒപ്പുവെച്ചു
  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • Write A Comment

     
    Reload Image
    Add code here