തങ്ങളുടെ 200 ബില്ല്യണ്‍ ഉത്പന്നങ്ങള്‍ക്ക് കൂടി തീരുവ ചുമത്താനുള്ള യു.എസ് നീക്കത്തിനെതിരെ ചൈന ലോകവ്യാപാര സംഘടനയില്‍ പരാതി നല്‍കി

Mon,Jul 16,2018


ജനീവ: തങ്ങളുടെ 200 ബില്ല്യണ്‍ ഡോളര്‍ ഉത്പന്നങ്ങള്‍ക്ക് കൂടി ഇറക്കുമതി തീരുവ ചുമത്താനുള്ള യു.എസ് നീക്കത്തിനെതിരെ ചൈന ലോക വ്യാപാര സംഘടനയില്‍ പരാതി നല്‍കി. നേരത്തെ തങ്ങളുടെ 34 ബില്ല്യണ്‍ ഡോളറിന്റെ ഉല്‍പന്നങ്ങള്‍ക്ക് നികുതി ചുമത്തിയപ്പോഴും ചൈന ലോകവ്യാപാര സംഘടനയെ സമീപിച്ചിരുന്നു. തുടര്‍ന്ന് തിരിച്ച് യു.എസ് ഉത്പന്നങ്ങള്‍ക്ക് മുകളില്‍ ചൈന ഇറക്കുമതി തീരുവ ഏര്‍പ്പെടുത്തുകയായിരുന്നു. കഴിഞ്ഞ ചൊവ്വാഴ്ചയാണ് കൂടുല്‍ ചൈനീസ് ഉത്പന്നങ്ങള്‍ക്ക് ഇറക്കുമതി തീരുവ ഏര്‍പെടുത്തുമെന്ന് ട്രമ്പ് ഭരണകൂടം മുന്നറിയിപ്പ് നല്‍കിയത്.

00 ബില്ല്യണ്‍ ഡോളറിന്റെ ചൈനീസ് ഉത്പന്നങ്ങളാണ് ലക്ഷ്യമെന്നും യു.എസ് വ്യക്തമാക്കി. അതേസമയം യു.എസ് കൂടുതല്‍ ഉത്പന്നങ്ങള്‍ക്ക് തീരുവ ചുമത്തുന്നപക്ഷം തിരിച്ചടിക്കുമെന്ന് ചൈനയും പ്രഖ്യാപിച്ചിരുന്നു. യു.എസിന്റെ പുതിയ പ്രഖ്യാപനത്തില്‍ ഞെട്ടല്‍ രേഖപ്പെടുത്തിയ ചൈന പ്രശ്‌നം ലോക വ്യാപാര സംഘടനയില്‍ അവതരിപ്പിക്കുമെന്ന് അന്നു തന്നെ പറഞ്ഞിരുന്നു. യു.എസ് ഭീഷണി യാഥാര്‍ത്ഥ്യമാകുന്ന പക്ഷം തങ്ങളും ഇറക്കുമതി തീരുവ കൂടുതല്‍ ഉത്പന്നങ്ങളിലേക്ക് വ്യാപിപ്പിക്കാന്‍ നിര്‍ബന്ധിതരാകുമെന്ന് അവര്‍ മുന്നറിയിപ്പ് നല്‍കുകയും ചെയ്തു.

ഭക്ഷണ പദാര്‍ത്ഥങ്ങള്‍, പുകയില, രാസപദാര്‍ത്ഥങ്ങള്‍, സ്റ്റീല്‍,അലുമിനീയം തുടങ്ങിയ ചൈനീസ് ഉത്പന്നങ്ങള്‍ക്ക് കൂടി ഇറക്കുമതി തീരുവ ചുമത്തുമെന്നാണ് യു.എസ് ഭീഷണി. കാര്‍ ടയറുകള്‍, ഫര്‍ണീച്ചറുകള്‍,മരപ്പടികള്‍,ഹാന്റ് ബാഗ്,സ്യൂട്ട്‌കേസുകള്‍, വളര്‍ത്തുമൃഗങ്ങളുടെ ഭക്ഷണപദാര്‍ത്ഥങ്ങള്‍, ബെയ്‌സ്‌ബോള്‍ ഗ്ലൗവ്, കാര്‍പെറ്റ്,വാതിലുകള്‍,ബൈസിക്കിളുകള്‍, ടോയ്‌ലറ്റ് പേപ്പര്‍, സൗന്ദര്യവര്‍ധക വസ്തുക്കള്‍ എന്നിവയും യു.എസിന്റെ ലിസ്റ്റില്‍ ഉള്‍പ്പെടുന്നു.

കഴിഞ്ഞ ഒരു വര്‍ഷമായി ചൈന അന്യായവ്യാപാരം അവസാനിപ്പിക്കുമെന്ന പ്രതീക്ഷ ട്രമ്പ് ഭരണകൂടം വച്ചുപുലര്‍ത്തിയിരുന്നുവെന്നും അവരില്‍ നിന്നും അങ്ങിനെയൊരു നീക്കം കാണാത്ത സാഹചര്യത്തില്‍ ഇറക്കുമതി തീരുവ ചുമത്തുകയല്ലാതെ വേറെ വഴിയില്ലെന്നും യു.എസിന്റെ വ്യാപാര പ്രതിനിധി റോബര്‍ട്ട് ലൈറ്റ്‌ത്തൈസര്‍ മാധ്യമങ്ങളോട് പറഞ്ഞു. തങ്ങളുടെ ആശങ്കകള്‍ പരിഹരിക്കുന്നതിന് പകരം തിരിച്ചടിക്കാനാണ് ചൈന ശ്രമിച്ചത്. അത് നീതീകരിക്കത്തക്ക നടപടിയല്ലെന്നും അദ്ദേഹം കൂട്ടിച്ചേര്‍ത്തു.

Other News

  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • ഇന്ത്യന്‍ മ്യൂച്വല്‍ ഫണ്ടുകള്‍ കഴിഞ്ഞമാസം ഓഹരി വിപണിയിലിറക്കിയത് 7,000 കോടി രൂപ
  • ഓഹരിയില്‍ നിക്ഷേപിക്കുന്ന ഇന്ത്യക്കാരുടെ എണ്ണത്തില്‍ 40 ലക്ഷത്തിന്റെ വര്‍ധന
  • കുത്തക കമ്പനികളെ സഹായിക്കാന്‍ ഇന്ത്യയും അമേരിക്കയും; വ്യാപാരയുദ്ധം ആസന്നം
  • സൗദിയിൽ സ്വകാര്യ സ്​ഥാപനങ്ങൾക്ക്​ 11.5 ശതകോടി റിയാല്‍ സർക്കാർ സഹായം
  • പേറ്റന്റുകള്‍ പരസ്യമാക്കാനുള്ള ടെസ്ലയുടെ തീരുമാനം; ഇലോണ്‍ മസ്‌ക്കിന്റെ തൊപ്പിയില്‍ മറ്റൊരു പൊന്‍തൂവല്‍
  • ആരാംകോയുടെ പബ്ലിക്ക് ഓഫറിംഗിനായി വീണ്ടും സൗദി ഭരണകൂടം!
  • സാമ്പത്തിക സ്ഥിതി മോശമാകുന്നു; യുഎസില്‍ ചെറുകിട ബിസിനസ് സംരംഭകര്‍ പരിഭ്രാന്തിയില്‍
  • Write A Comment

     
    Reload Image
    Add code here