യൂറോപ്യന്‍ യൂണിയനുമായി സഹകരിക്കുന്നപക്ഷം ബ്രിട്ടനുമായുള്ള വ്യാപാരബന്ധം റദ്ദാക്കുമെന്ന് ട്രമ്പ്

Fri,Jul 13,2018


ലണ്ടന്‍: ബ്രിട്ടീഷ് പ്രധാനമന്ത്രി തെരേസാ മെയുടെ ബ്രെക്‌സിറ്റ് പദ്ധതിയെ എതിര്‍ത്ത് യു.എസ് പ്രസിഡന്റ് ഡൊണാള്‍ഡ് ട്രമ്പ് രംഗത്ത്. യൂറോപ്യന്‍ യൂണിയനുമായി സഹകരിച്ച് പ്രവര്‍ത്തിക്കാനുള്ള മെയുടെ നീക്കം തങ്ങളുമായുള്ള വ്യാപാരബന്ധത്തെ ഇല്ലാതാക്കുമെന്ന് ട്രമ്പ് മുന്നറിയിപ്പ് നല്‍കി. ബ്രിട്ടന്‍ സന്ദര്‍ശിക്കുന്ന പ്രസിഡന്റ്, തെരേസാ മെയുമൊത്തുള്ള ഡിന്നറിന് മുന്‍പാണ് ഈ പ്രസ്താവന നടത്തിയത്. മര്‍ഡോക്കിന്റെ ഉടമസ്ഥതയിലുള്ള സണ്‍ ദിനപത്രത്തിന് നല്‍കിയ അഭിമുഖത്തിലായിരുന്നു ട്രമ്പിന്റെ പ്രസ്താവന.

യൂറോപ്യന്‍ യൂണിയന്റെ നിയമാവലി അംഗീകരിച്ചുകൊണ്ടുള്ള ഒരു പിന്മാറ്റത്തിനാണ് മെയ് ശ്രമിക്കുന്നതെന്നും അങ്ങിനെയൊരു അവസ്ഥ സംജാതമായാല്‍ യു.എസ് ബ്രിട്ടന് പകരം യൂറോപ്യന്‍യൂണിയനുമായി വ്യാപാരബന്ധം ഉറപ്പിക്കുമെന്നും ട്രമ്പ് തുറന്നടിച്ചു.

2019 ലാണ് ബ്രിട്ടന്‍ യൂറോപ്യന്‍ യൂണിയനില്‍ നിന്നും പരിപൂര്‍ണ്ണമായി വിടുതല്‍ നേടുക. യു.എസുമായുള്ള വ്യാപാരബന്ധമാണ് ബ്രിട്ടനെ ബ്രെക്‌സിറ്റിന് പ്രേരിപ്പിക്കുന്നത്. ട്രമ്പിന്റെ പ്രസ്താവന ബ്രിട്ടന്റെ ഉദ്ദേശലക്ഷ്യങ്ങള്‍ വിഫലമാക്കുന്നതാണെന്നാണ് റിപ്പോര്‍ട്ട്.

അതേസമയം ട്രമ്പിന്റെ വിമര്‍ശനം പ്രധാനമന്ത്രി തെരേസ മെയുടെ രാഷ്ട്രീയ ഭാവിയ്ക്ക് ഭീഷണിയാണെന്ന് റിപ്പോര്‍ട്ടുകള്‍ പറയുന്നു. പാര്‍ട്ടിയിലും രാജ്യത്തിനകത്തും മെയ് ഒറ്റപ്പെടാന്‍ ഇത് കാരണമാകുമെന്നാണ് വിദഗ്ദ്ധ മതം. എന്നാല്‍ ട്രമ്പിന് തെരേസ മെയോട് ബഹുമാനമാണെന്നും അവരുടെ കഴിവില്‍ പ്രസിഡന്റിന് വിശ്വാസമുണ്ടെന്നും വൈറ്റ് ഹൗസ് പ്രതികരിച്ചു. ട്രമ്പിനോടൊത്തുള്ള കൂടിക്കാഴ്ചയ്ക്ക് കാത്തിരിക്കുകയാണെന്നായിരുന്നു ഇതിനെക്കുറിച്ച് തെരേസമെയുടെ വക്താവ് പറഞ്ഞത്.

Other News

  • ഇന്ത്യൻ സമ്പദ്ഘടന അടുത്ത സാമ്പത്തിക വർഷം 7.5 ശതമാനം വളർച്ച കൈവരിക്കുമെന്ന് അന്താരാഷ്ട്ര നാണയ നിധി
  • കുംഭമേളയില്‍നിന്ന് ലഭിക്കുമെന്ന് പ്രതീക്ഷിക്കുന്നത് 1.2 ലക്ഷം കോടി രൂപ
  • ജിയോയുമായി മുകേഷ് അംബാനി ഓണ്‍ലൈന്‍ ചില്ലറവില്‍പ്പന രംഗത്തേക്ക്
  • ബ്രിട്ടനെ മറികടന്ന് ഇന്ത്യ ലോകത്തെ അഞ്ചാമത്തെ സാമ്പത്തിക ശക്തിയാകുമെന്ന് റിപ്പോര്‍ട്ട്
  • ഭ​ര​ണ​പ്ര​തി​സ​ന്ധി;ട്രമ്പ്​ ലോ​ക​സാ​മ്പ​ത്തി​ക ഉ​ച്ച​കോ​ടി​ക്കി​ല്ല
  • മോഡി സര്‍ക്കാര്‍ ഭരിച്ച നാലര വര്‍ഷംകൊണ്ട് സര്‍ക്കാരിന്റെ കടബാധ്യത 49 ശതമാനംകൂടി 82 ലക്ഷം കോടി രൂപയായി
  • ആമസോണില്‍ വില്‍പനയ്ക്ക് വെച്ച ഫെയ്‌സ്ബുക്കിന്റെ 'പോര്‍ട്ടല്‍' സ്മാര്‍ട് സ്‌ക്രീനിന് സ്വന്തം ജീവനക്കാരുടെ തന്നെ അഞ്ച് സ്റ്റാര്‍ റേറ്റിങും മികച്ച അഭിപ്രായവും
  • സുഗന്ധവ്യഞ്ജന ഗുണനിലവാരം: കോഡക്‌സ് കമ്മിറ്റിയുടെ നാലാം യോഗം കേരളത്തില്‍
  • ബൈജൂസ് അമേരിക്കൻ കമ്പനിയെ ഏറ്റെടുത്തു
  • തലച്ചോറിനെ ഇന്റര്‍നെറ്റുമായി ബന്ധിപ്പിക്കുന്ന അത്ഭുത പദ്ധതിയുമായി ഇലോണ്‍ മസ്‌ക്
  • തെരഞ്ഞെടുപ്പ് നോട്ടമിട്ട് ബി.ജെ.പി വീണ്ടും;ആദായ നികുതി പരിധി അഞ്ച് ലക്ഷമാക്കിയേക്കും
  • Write A Comment

     
    Reload Image
    Add code here