സാംസങ്ങിന്റെ ലോകത്തെ ഏറ്റവും വലിയ നിര്‍മ്മാണയൂണിറ്റ് നോയിഡയില്‍ പ്രധാനമന്ത്രി നരേന്ദ്രമോഡി ഉദ്ഘാടനം ചെയ്തു

Tue,Jul 10,2018


നോയിഡ: ദക്ഷിണകൊറിയന്‍ സ്മാര്‍ട്‌ഫോണ്‍ നിര്‍മാണ കമ്പനിയായ സാംസങിന്റെ പുതിയ മൊബൈല്‍ ഫോണ്‍ നിര്‍മാണ യൂണിറ്റ് പ്രധാനമന്ത്രി നരേന്ദ്രമോഡി ഉദ്ഘാടനം ചെയ്തു. ലോകത്തെ ഏറ്റവും വലിയ മൊബൈല്‍ ഫോണ്‍ നിര്‍മാണ കേന്ദ്രമാണിത്. നാല് വര്‍ഷം മുമ്പ് തുടക്കം കുറിച്ച മെയ്ക്ക് ഇന്‍ ഇന്ത്യ പദ്ധതിയ്ക്ക് കീഴില്‍ ഇന്ത്യ ഇതോടെ ലോകത്തെ ഏറ്റവും വലിയ മൊബൈല്‍ ഫോണ്‍ നിര്‍മാണ കേന്ദ്രമായിത്തീര്‍ന്നുവെന്ന് പ്രധാനമന്ത്രി പ്രഖ്യപിച്ചു. ഇന്ത്യയിലെ വാര്‍ഷിക ഉത്പാദന ശേഷി 6.7 കോടിയില്‍ നിന്നും 12 കോടിയിലേക്ക് എത്തിക്കാനാണ് പുതിയ നിര്‍മാണയൂണിറ്റ് സ്ഥാപിക്കുന്നതിലൂടെ സാംസങ് ലക്ഷ്യമിടുന്നത്. അതായത് 2020 ഓടെ മാസം ഒരുകോടി ഫോണുകള്‍ നിര്‍മ്മിക്കാനാണ് സാംസങിന്റെ പദ്ധതി. ഇന്ത്യയില്‍ നിര്‍മിച്ച 30 ശതമാനം ഫോണുകള്‍ കയറ്റുമതി ചെയ്യും.

ഇന്ത്യയില്‍ ആകമാനം 120 ഓളം മൊബൈല്‍ ഫോണ്‍ നിര്‍മാണ കേന്ദ്രങ്ങളുണ്ടെന്നും അതില്‍ 50 ശതമാനവും സ്ഥിതി ചെയ്യുന്നത് നോയിഡയിലാണെന്നും പ്രധാനമന്ത്രി പറഞ്ഞു. ഇതുവരെ 70000 ഓളം ആളുകള്‍ക്ക് സാംസങ് തൊഴില്‍ നല്‍കുന്നുണ്ട്. പുതിയ പ്ലാന്റില്‍ 1000 ല്‍ അധികം പേര്‍ക്ക് നേരിട്ട് തൊഴില്‍ ലഭിക്കും. അതേസമയം വലിയ നിര്‍മാണ യൂണിറ്റാണ് പ്രവര്‍ത്തനമാരംഭിക്കുന്നത് എങ്കിലും സ്മാര്‍ട്‌ഫോണുകളുടെ വിലയില്‍ കുറവുണ്ടാവില്ലെന്ന് കമ്പനി വ്യക്തമാക്കി. അടുത്തിടെ വില വര്‍ധനവൊനന്നും ഉണ്ടായിട്ടില്ലാത്തതും നികുതിയില്‍ മാറ്റമില്ലാത്തതും കമ്പനി ഇതില്‍ ചൂണ്ടിക്കാണിക്കുന്നു. നിലവില്‍ ഇന്ത്യയില്‍ നിന്നു തന്നെ സാംസങ് സ്മാര്‍ട്‌ഫോണുകളുടെ എണ്ണത്തില്‍ വര്‍ധനവുണ്ടാക്കാനാണ് കമ്പനി പുതിയ പ്ലാന്റിലൂടെ ലക്ഷ്യമിടുന്നത്.

Other News

  • മിനിമം കൂലി 9,750 രൂപ നിര്‍ദേശം കേന്ദ്ര സര്‍ക്കാര്‍ അംഗീകരിച്ചേക്കും
  • ടിക്കറ്റ് നിരക്കിൽ ഇളവുമായി എയർ ഏഷ്യ
  • തിരുവനന്തപുരം വിമാനത്താവള നടത്തിപ്പ് ഏറ്റെടുക്കാന്‍ കെഎസ്‌ഐഡിസിയ്‌ക്കൊപ്പം അദാനിയും ജിഎംആറും കൂടി രംഗത്ത്
  • മൂന്നാം പാദ പ്രവര്‍ത്തനഫലം; ഇന്ത്യന്‍ കോര്‍പറേറ്റ് ലാഭത്തില്‍ ഇടിവ്
  • കടക്കെണിയിലേക്ക് കൂപ്പുകുത്തുന്ന ഇന്ത്യയിലെ ആദ്യ സ്വകാര്യവിമാന കമ്പനിയുടെ നിയന്ത്രണം എത്തിഹാദിന്റെ കൈകളിലേക്ക്‌
  • ശരീരത്തിന്റെ പൊതു അളവുകോലുകള്‍ രേഖപ്പെടുത്തിയ ദേശീയ പട്ടിക രൂപപ്പെടുത്താന്‍ ഇന്ത്യന്‍ ടെക്‌സ്റ്റൈല്‍ മന്ത്രാലയം!
  • പാക്കിസ്ഥാന്‍ ദീര്‍ഘകാല സുഹൃത്തെന്ന് സൗദി; ഇരുരാജ്യങ്ങളും ചേര്‍ന്ന് 20 ബില്യന്‍ ഡോളറിന്റെ വിവിധ കരാറുകളില്‍ ഒപ്പുവെച്ചു
  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • Write A Comment

     
    Reload Image
    Add code here