ഇന്ത്യന്‍ പൊതുമേഖല ബാങ്കുകളുടെ മൊത്തം നഷ്ടം 87,300 കോടി രൂപ

Mon,Jun 11,2018


ന്യൂഡല്‍ഹി: 2017-18 സാമ്പത്തിക വര്‍ഷത്തില്‍ ഇന്ത്യന്‍ പൊതുമേഖല ബാങ്കുകള്‍ കനത്ത നഷ്ടത്തിലായി. 87,300 കോടി രൂപയാണ് പൊതുമേഖല ബാങ്കുകളുടെ ആകെ നഷ്ടം. തൊട്ടുമുമ്പുള്ള വര്‍ഷം 473.72 കോടി രൂപ ലാഭത്തിലായിരുന്നു എന്നറിയുമ്പോഴാണ് ബാങ്കുകള്‍ നേരിട്ട ആഘാതം വ്യക്തമാകുന്നത്.

സര്‍ക്കാര്‍ ഉടമസ്ഥതയിലുള്ള 21 ബാങ്കുകളില്‍ ഇന്ത്യന്‍ ബാങ്കും വിജയ ബാങ്കും മാത്രമാണ് ലാഭത്തില്‍ പ്രവര്‍ത്തിക്കുന്നത്. ഇന്ത്യന്‍ ബാങ്ക് 1,258.99 കോടി രൂപ നേടിയപ്പോള്‍ 727.02 കോടിയാണ് വിജയബാങ്കിന് ലാഭം. കിട്ടാകടത്തിന്റെ വര്‍ധനയും വന്‍ തുക തട്ടിപ്പിനിരയായതുമാണ് ബാങ്കുകളെ കഴിഞ്ഞസാമ്പത്തിക വര്‍ഷം കുഴിയില്‍ ചാടിച്ചതെന്ന് റിപ്പോര്‍ട്ടുകള്‍ പറയുന്നു. നോണ്‍ പെര്‍ഫോമിംഗ് അസ്റ്റ് പരിഹരിക്കുന്നതിനായി റിസര്‍വ് ബാങ്ക് ഓഫ് ഇന്ത്യയുടെ നിര്‍ദ്ദേശ പ്രകാരം വന്‍ തുക നീക്കിയിരിപ്പ് നടത്തേണ്ടി വന്നത് നഷ്ടം വര്‍ധിപ്പിച്ചു.

14,000 കോടി രൂപയുടെ തട്ടിപ്പിനിരയായ പഞ്ചാബ് നാഷണല്‍ ബാങ്കാണ് 12,283 കോടി രൂപ രേഖപ്പെടുത്തി നഷ്ടകണക്കില്‍ മുന്നിലുള്ളത്. വജ്രവ്യാപാരി നീരവ് മോദിയും സംഘവും നടത്തിയ തട്ടിപ്പിനെ തുടര്‍ന്ന് പഞ്ചാബ് നാഷണല്‍ ബാങ്ക് കടുത്ത പ്രതിസന്ധി നേരിട്ടിരുന്നു. ലണ്ടനിലേക്ക് മുങ്ങിയ മോദി ഇപ്പോള്‍ അവിടെ രാഷ്ട്രീയ അഭയം നേടിയിരിക്കയാണ്.

അതേസമയം പിഎന്‍ബിയ്ക്ക് പിന്നില്‍ 8237 കോടി നഷ്ടത്തോടെ ഐഡിബിഐ രണ്ടാം സ്ഥാനത്തെത്തി.ഏറ്റവും വലിയ പൊതുമേഖല ബാങ്കായ സ്റ്റേറ്റ് ബാങ്ക് ഓഫ് ഇന്ത്യയുടെ നഷ്ടം 6547 കോടി രൂപയാണ്. ലിസ്റ്റില്‍ മൂന്നാംസ്ഥാനത്താണ് എസ് ബി ഐ.

Other News

  • രൂപയുടെ തകര്‍ച്ച വീണ്ടും: പ്രവാസികൾ ആഹ്‌ളാദത്തില്‍
  • ഇന്ത്യക്കാരിലെ ഏറ്റവും വലിയ കോടീശ്വരി സ്മിത വി. കൃഷ്ണ
  • രൂപയുടെ മൂല്യം എക്കാലത്തെയും താഴ്ന്ന നിലവാരത്തിലെത്തി; ഡോളറിനെതിരെ 69.62 രൂപ
  • ഇന്ത്യയുടെ വ്യാവസായിക ഉത്പാദന വളർച്ച ഏഴു ശതമാനമായി ഉയർന്നു
  • ഐക്കിയയും ഡാന്യൂബും ഇന്ത്യയില്‍ ഷോറൂമുകള്‍ തുറക്കുന്നു
  • ഇന്ത്യയുടെ കരുത്തിലായിരിക്കും അടുത്ത മൂന്നു ദശാബ്ദങ്ങളിൽ ലോക സമ്പദ്ഘടനയുടെ വളർച്ചയെന്ന് ഐഎംഎഫ്‌
  • ടെസ്ലയെ പ്രൈവറ്റ് കമ്പനിയാക്കി മാറ്റുമെന്ന് എലോണ്‍ മസ്‌ക്ക്
  • വിലയിലെ അന്തരം; കനേഡിയന്‍ എണ്ണ ഉത്പാദകര്‍ വന്‍ തുക നഷ്ടം സഹിക്കുന്നുവെന്ന് റിപ്പോര്‍ട്ട്
  • ഇന്ത്യന്‍ ഓണ്‍ലൈന്‍ ടാക്‌സി സര്‍വ്വീസായ ഓല യു.കെയില്‍ പ്രവര്‍ത്തനം തുടങ്ങുന്നു
  • ഹാര്‍ലി ഡേവിഡ്‌സണ്‍ ഇന്ത്യ കേന്ദ്രീകരിച്ച് ഭാരക്കുറവുള്ള മോട്ടോര്‍സൈക്കിളുകളുടെ നിര്‍മ്മാണം തുടങ്ങുന്നു
  • പന്ത്രണ്ട് വര്‍ഷം പെപ്‌സിയുടെ സി.ഇ.ഒ ആയി സേവനമനുഷ്ഠിച്ച ഇന്ത്യന്‍ വംശജ ഇന്ദ്ര നൂയി സ്ഥാനമൊഴിയുന്നു
  • Write A Comment

     
    Reload Image
    Add code here