കൊച്ചിയുള്‍പ്പടെയുള്ള ഇന്ത്യന്‍ തീരങ്ങളില്‍ വന്‍ വാതകനിക്ഷേപമുണ്ടെന്ന് യു.എസ് ജിയോളജിക്കല്‍ സര്‍വേ

Mon,Jun 11,2018


ന്യൂഡല്‍ഹി: 300 വര്‍ഷത്തേക്ക് ആവശ്യമായ ഹൈഡ്രോകാര്‍ബണ്‍ നിക്ഷേപം ഇന്ത്യയിലുണ്ടെന്ന്‌ പെട്രോളിയം വകുപ്പ് മന്ത്രി ദര്‍മേന്ദ്ര പ്രധാന്‍ പറഞ്ഞപ്പോള്‍ പലര്‍ക്കും അത് ഉള്‍ക്കൊള്ളാനായില്ല. ഇപ്പോഴിതാ കൃഷ്ണ-ഗോദാവരി,കൊച്ചി ഉള്‍പ്പടെയുള്ള തീരങ്ങളില്‍ 100-130 ട്രില്ല്യണ്‍ ക്യുബിക്ക് അടി ഹൈഡ്രേറ്റ് നിക്ഷേപം കണ്ടെത്തിയിരിക്കയാണ് യു.എസ് ജിയോളജിക്കല്‍ സര്‍വേ. നിക്ഷേപം കണ്ടെത്തുന്നതിനുള്ള പര്യവേക്ഷണത്തിനായി ഇന്ത്യന്‍ സര്‍ക്കാര്‍ ദേശീയ ഗ്യാസ് ഹൈഡ്രേറ്റ് പ്രോഗ്രാം ആരംഭിച്ചുകഴിഞ്ഞു.

ഇതിന്റെ ഭാഗമായി ഹൈഡ്രേറ്റ് ഗ്യാസ് റിസര്‍ച്ച് സെന്റര്‍ മുംബൈയിലെ പനവേലില്‍ ആരംഭിച്ചിട്ടുണ്ടെന്നും മൂന്നാം ഘട്ട പര്യവേക്ഷണം ഉടന്‍ ആരംഭിക്കുമെന്നും ഒഎന്‍ജിസി ചെയര്‍മാന്‍ ശശി ശങ്കര്‍ പറഞ്ഞു. 200 കോടി രൂപയാണ് ഓയില്‍ ഇന്‍ഡസ്ട്രി ഡവലപ്പ്‌മെന്റ് ബോര്‍ഡ് പ്രോഗ്രാമിനായി മാറ്റിവച്ചിട്ടുള്ളത്.

ഐസും വാതകവും ചേര്‍ന്ന മിശ്രിതത്തിന്റെ തന്മാത്ര രൂപത്തിലാണ് പ്രകൃതിദത്ത ഹൈഡ്രേറ്റ് ഗ്യാസ് ഭൂമിക്കടിയിലുള്ളത്. ഹൈഡ്രേറ്റ്ഗ്യാസ് വ്യാവസായിക അടിസ്ഥാനത്തില്‍ ഉത്പാദിപ്പിക്കാനുള്ള സാങ്കേതിക വിദ്യ ഇതുവരെ ഒരു രാജ്യവും കണ്ടെത്തിയിട്ടില്ല. അതുകൊണ്ടുതന്നെ നിക്ഷേപം കണ്ടെത്തി അത് വാണിജ്യാവശ്യത്തിന് സംസ്‌ക്കരിച്ചെടുക്കുന്ന പക്ഷം രാജ്യത്തിന് അത് വലിയ മുതല്‍ക്കൂട്ടാകും.

ഇതിനായി എണ്ണപ്രകൃതി വാതക കോര്‍പ്പറേഷന്‍ (ഒ.എന്‍.ജി.സി.), യു.എസ്. ജിയോളജിക്കല്‍ സര്‍വേ, ജാപ്പനീസ് ഡ്രില്ലിങ് കമ്പനി എന്നിവയുമായി ചേര്‍ന്ന് സാങ്കേതികവിദ്യ വികസിപ്പിക്കാനുള്ള ശ്രമത്തിലാണ് ഇന്ത്യ. കാനഡയുടെ സഹായവും തേടിയേക്കും. ഓയില്‍ ഇന്‍ഡസ്ട്രി ഡെവലപ്‌മെന്റ് ബോര്‍ഡ് (ഒ.ഐ.ഡി.ബി.), ഒ.എന്‍.ജി.സി, ഗെയില്‍, ഓയില്‍ ഇന്ത്യ, ഇന്ത്യന്‍ ഓയില്‍ കോര്‍പ്പറേഷന്‍ എന്നിവ ചേര്‍ന്ന് ചെലവ് വഹിക്കും.

അമേരിക്കയിലെ ഷെയ്ൽ ഗ്യാസിന്റെ മാതൃകയിലുള്ള പ്രകൃതിവാതക ശേഖരമാണ് ഹൈഡ്രേറ്റ് വാതകം. ഭൂനിരപ്പിന് താഴെ, ഷെയ്ൽ എന്നറിയപ്പെടുന്ന പാറയിൽനിന്നാണ് ഷെയ്ൽ ഗ്യാസ് തുരന്നെടുക്കുന്നത്.നേരത്തെയും കൊച്ചി തീരത്ത് എണ്ണ കിണറുകള്‍ കുഴിച്ചിരുന്നെങ്കിലും ഒന്നും കണ്ടെത്താനായില്ല.

Other News

  • ഇന്ത്യൻ സമ്പദ്ഘടന അടുത്ത സാമ്പത്തിക വർഷം 7.5 ശതമാനം വളർച്ച കൈവരിക്കുമെന്ന് അന്താരാഷ്ട്ര നാണയ നിധി
  • കുംഭമേളയില്‍നിന്ന് ലഭിക്കുമെന്ന് പ്രതീക്ഷിക്കുന്നത് 1.2 ലക്ഷം കോടി രൂപ
  • ജിയോയുമായി മുകേഷ് അംബാനി ഓണ്‍ലൈന്‍ ചില്ലറവില്‍പ്പന രംഗത്തേക്ക്
  • ബ്രിട്ടനെ മറികടന്ന് ഇന്ത്യ ലോകത്തെ അഞ്ചാമത്തെ സാമ്പത്തിക ശക്തിയാകുമെന്ന് റിപ്പോര്‍ട്ട്
  • ഭ​ര​ണ​പ്ര​തി​സ​ന്ധി;ട്രമ്പ്​ ലോ​ക​സാ​മ്പ​ത്തി​ക ഉ​ച്ച​കോ​ടി​ക്കി​ല്ല
  • മോഡി സര്‍ക്കാര്‍ ഭരിച്ച നാലര വര്‍ഷംകൊണ്ട് സര്‍ക്കാരിന്റെ കടബാധ്യത 49 ശതമാനംകൂടി 82 ലക്ഷം കോടി രൂപയായി
  • ആമസോണില്‍ വില്‍പനയ്ക്ക് വെച്ച ഫെയ്‌സ്ബുക്കിന്റെ 'പോര്‍ട്ടല്‍' സ്മാര്‍ട് സ്‌ക്രീനിന് സ്വന്തം ജീവനക്കാരുടെ തന്നെ അഞ്ച് സ്റ്റാര്‍ റേറ്റിങും മികച്ച അഭിപ്രായവും
  • സുഗന്ധവ്യഞ്ജന ഗുണനിലവാരം: കോഡക്‌സ് കമ്മിറ്റിയുടെ നാലാം യോഗം കേരളത്തില്‍
  • ബൈജൂസ് അമേരിക്കൻ കമ്പനിയെ ഏറ്റെടുത്തു
  • തലച്ചോറിനെ ഇന്റര്‍നെറ്റുമായി ബന്ധിപ്പിക്കുന്ന അത്ഭുത പദ്ധതിയുമായി ഇലോണ്‍ മസ്‌ക്
  • തെരഞ്ഞെടുപ്പ് നോട്ടമിട്ട് ബി.ജെ.പി വീണ്ടും;ആദായ നികുതി പരിധി അഞ്ച് ലക്ഷമാക്കിയേക്കും
  • Write A Comment

     
    Reload Image
    Add code here