പി.എന്‍.ബി വായ്പ തട്ടിപ്പ്:രാഷ്ട്രീയാഭയം നല്‍കണമെന്ന ആവശ്യവുമായി നീരവ് മോദി യു,കെയില്‍

Mon,Jun 11,2018


ന്യൂഡല്‍ഹി:പഞ്ചാബ് നാഷനല്‍ ബാങ്കില്‍ (പിഎന്‍ബി) നിന്ന് കോടികളുടെ തട്ടിപ്പു നടത്തി മുങ്ങിയ വജ്രവ്യാപാരി നീരവ് മോദി അഭയം തേടി യുകെയിലെത്തിയെന്ന് റിപ്പോര്‍ട്ട്. രാഷ്ട്രീയ അഭയം നല്‍കണമെന്ന ആവശ്യമാണ് നീരവ് യുകെ കോടതിക്കു മുന്നില്‍ വച്ചിരിക്കുന്നത്. റോയിട്ടേഴ്‌സാണ് ഇക്കാര്യം റിപ്പോര്‍ട്ടു ചെയ്തത്. വ്യാജരേഖകള്‍ നല്‍കി പിഎന്‍ബിയുടെ 13,000 കോടി രൂപ വെട്ടിച്ച നീരവ് മോദിയെ കണ്ടെത്തി തിരിച്ചു കൊണ്ടുവരാന്‍ റെഡ് കോര്‍ണര്‍ നോട്ടിസ് പുറപ്പെടുവിക്കാന്‍ ഇന്ത്യ ഇന്റര്‍പോളിനോട് ആവശ്യപ്പെട്ടിരുന്നു. ആദ്യം ഹോങ്കോങ്ങിലായിരുന്ന നീരവ് ന്യൂയോര്‍ക്കിലേക്കും പിന്നീട് യു.കെയിലേക്കും കടക്കുകയായിരുന്നു.ഒരു ടിവി ചാനലിനു ലഭിച്ച സര്‍ക്കാര്‍ രഹസ്യാന്വേഷണ റിപ്പോര്‍ട്ട് പ്രകാരം, ജനുവരി ഒന്നിനു നീരവ് ഇന്ത്യയില്‍നിന്നു യുഎഇയിലേക്കാണു പോയത്. യുഎഇയിലെ നിയമങ്ങള്‍ കര്‍ശനമായതിനാല്‍ അവിടുന്നു ഫെബ്രുവരി രണ്ടിനു ഹോങ്കോങ്ങിലേക്കു മുങ്ങുകയായിരുന്നു. നീരവിനു പുറമെ അമ്മാവന്‍ മെഹുല്‍ ചോക്‌സിയും കേസില്‍ പ്രതിയാണ്.

കേസില്‍ നീരവ് മോദി, അലഹാബാദ് ബാങ്ക് മാനേജിങ് ഡയറക്ടറും ചീഫ് എക്‌സിക്യൂട്ടീവ് ഓഫിസറുമായ ഉഷ അനന്തസുബ്രഹ്മണ്യന്‍ എന്നിവരുള്‍പ്പെടെ 22 പേര്‍ക്കും മൂന്നു കമ്പനികള്‍ക്കുമെതിരെ കഴിഞ്ഞ മാസം സിബിഐ മുംബൈയിലെ പ്രത്യേക കോടതിയില്‍ കുറ്റപത്രം സമര്‍പ്പിച്ചിരുന്നു. നീരവിനു വിദേശ ബാങ്കുകളില്‍നിന്നു ഹ്രസ്വകാല വായ്പ തരപ്പെടുത്താന്‍ പിഎന്‍ബിയില്‍നിന്ന് 2011- 17 ല്‍ വ്യാജ ജാമ്യപത്രം (എല്‍ഒയു) നല്‍കിയെന്നതാണു കേസ്. വിദേശ ബാങ്കുകളിലെ വായ്പ തിരിച്ചവടവില്‍ വീഴ്ചവരികയും അവര്‍ പിഎന്‍ബിയോടു പണം ആവശ്യപ്പെടുകയും ചെയ്തപ്പോഴാണു തട്ടിപ്പു പുറത്തുവന്നത്.

Other News

  • രൂപയുടെ തകര്‍ച്ച വീണ്ടും: പ്രവാസികൾ ആഹ്‌ളാദത്തില്‍
  • ഇന്ത്യക്കാരിലെ ഏറ്റവും വലിയ കോടീശ്വരി സ്മിത വി. കൃഷ്ണ
  • രൂപയുടെ മൂല്യം എക്കാലത്തെയും താഴ്ന്ന നിലവാരത്തിലെത്തി; ഡോളറിനെതിരെ 69.62 രൂപ
  • ഇന്ത്യയുടെ വ്യാവസായിക ഉത്പാദന വളർച്ച ഏഴു ശതമാനമായി ഉയർന്നു
  • ഐക്കിയയും ഡാന്യൂബും ഇന്ത്യയില്‍ ഷോറൂമുകള്‍ തുറക്കുന്നു
  • ഇന്ത്യയുടെ കരുത്തിലായിരിക്കും അടുത്ത മൂന്നു ദശാബ്ദങ്ങളിൽ ലോക സമ്പദ്ഘടനയുടെ വളർച്ചയെന്ന് ഐഎംഎഫ്‌
  • ടെസ്ലയെ പ്രൈവറ്റ് കമ്പനിയാക്കി മാറ്റുമെന്ന് എലോണ്‍ മസ്‌ക്ക്
  • വിലയിലെ അന്തരം; കനേഡിയന്‍ എണ്ണ ഉത്പാദകര്‍ വന്‍ തുക നഷ്ടം സഹിക്കുന്നുവെന്ന് റിപ്പോര്‍ട്ട്
  • ഇന്ത്യന്‍ ഓണ്‍ലൈന്‍ ടാക്‌സി സര്‍വ്വീസായ ഓല യു.കെയില്‍ പ്രവര്‍ത്തനം തുടങ്ങുന്നു
  • ഹാര്‍ലി ഡേവിഡ്‌സണ്‍ ഇന്ത്യ കേന്ദ്രീകരിച്ച് ഭാരക്കുറവുള്ള മോട്ടോര്‍സൈക്കിളുകളുടെ നിര്‍മ്മാണം തുടങ്ങുന്നു
  • പന്ത്രണ്ട് വര്‍ഷം പെപ്‌സിയുടെ സി.ഇ.ഒ ആയി സേവനമനുഷ്ഠിച്ച ഇന്ത്യന്‍ വംശജ ഇന്ദ്ര നൂയി സ്ഥാനമൊഴിയുന്നു
  • Write A Comment

     
    Reload Image
    Add code here