ആസ്റ്റര്‍ ഡി.എം. ഹെല്‍ത്ത് കെയര്‍ ഓഹരി വില്‍പ്പനയ്ക്ക് ഇന്ന് തുടക്കം

Mon,Feb 12,2018


ഡോ. ആസാദ് മൂപ്പന്റെ നേതൃത്വത്തിലുള്ള ആശുപത്രി ശൃംഖലയായ 'ആസ്റ്റര്‍ ഡി.എം. ഹെല്‍ത്ത് കെയര്‍' പ്രാഥമിക ഓഹരി വില്‍പ്പന (ഐ.പി.ഒ.)യുമായി തിങ്കളാഴ്ച മൂലധന വിപണിയിലിറങ്ങി. പത്ത് രൂപ മുഖവിലയുള്ള ഓഹരികള്‍ 180-190 രൂപ നിലവാരത്തിലാണ് വില്‍പ്പനയ്ക്ക് വച്ചിരിക്കുന്നത്. ചുരുങ്ങിയത് 78 ഓഹരികള്‍ക്ക് അപേക്ഷിക്കണം. മൊത്തം 983 കോടി രൂപയാണ് സമാഹരണ ലക്ഷ്യം. ഇതില്‍ 294 കോടി രൂപ ഏഴ് ആങ്കര്‍ ഇന്‍വെസ്റ്റര്‍മാരില്‍ നിന്നായി ഇതിനോടകം സമാഹരിച്ചുകഴിഞ്ഞു. ഓഹരി വില്‍പ്പന വ്യാഴാഴ്ച അവസാനിക്കും. തുടര്‍ന്ന്, അലോട്ട്മെന്റ് പൂര്‍ത്തിയാക്കി ഈമാസം തന്നെ ബോംബേ സ്റ്റോക്ക് എക്‌സ്ചേഞ്ചിലും (ബി.എസ്.ഇ.) നാഷണല്‍ സ്റ്റോക്ക് എക്‌സ്ചേഞ്ചിലും (എന്‍.എസ്.ഇ.) ഓഹരികള്‍ ലിസ്റ്റ് ചെയ്യും. കൊച്ചിന്‍ ഷിപ്പ്യാര്‍ഡിന്റേതു കഴിഞ്ഞാല്‍ കേരളത്തില്‍ നിന്നുള്ള ഒരു കമ്പനി നടത്തുന്ന ഏറ്റവും വലിയ ഐ.പി.ഒ.കളിലൊന്നാണ് ആസ്റ്ററിന്റേത്. കൊച്ചിന്‍ ഷിപ്പ്യാര്‍ഡ് ഇക്കഴിഞ്ഞ ഓഗസ്റ്റില്‍ 1,468 കോടി രൂപയാണ് ഐ.പി.ഒ.യിലൂടെ സമാഹരിച്ചത്.

കോഴിക്കോട് മെഡിക്കല്‍ കോളേജില്‍ അധ്യാപകനായിരുന്ന ഡോ. ആസാദ് മൂപ്പന്‍ 1987-ല്‍ ദുബായിലെത്തി ചെറിയനിലയില്‍ ആരംഭിച്ച ക്ലിനിക് 30 വര്‍ഷം കൊണ്ട് ഇന്ത്യ, ആറ് ഗള്‍ഫ് രാജ്യങ്ങള്‍, ജോര്‍ദാന്‍, ഫിലിപ്പീന്‍സ് എന്നിവിടങ്ങളിലായി 19 ആശുപത്രികളും 206 ഫാര്‍മസികളും 98 ക്ലിനിക്കുകളും അടങ്ങുന്ന ഹെല്‍ത്ത് കെയര്‍ ഗ്രൂപ്പായി വളരുകയായിരുന്നു. 5,931.3 കോടി രൂപയാണ് കഴിഞ്ഞ സാമ്പത്തിക വര്‍ഷം കമ്പനിയുടെ വരുമാനം. ഇതില്‍ 20 ശതമാനത്തില്‍ താഴെ മാത്രമാണ് ഇന്ത്യയില്‍ നിന്ന്. ഭൂരിഭാഗവും ഗള്‍ഫ് മേഖലയില്‍ നിന്നാണ്.

Other News

  • ഇന്ത്യൻ സമ്പദ്ഘടന അടുത്ത സാമ്പത്തിക വർഷം 7.5 ശതമാനം വളർച്ച കൈവരിക്കുമെന്ന് അന്താരാഷ്ട്ര നാണയ നിധി
  • കുംഭമേളയില്‍നിന്ന് ലഭിക്കുമെന്ന് പ്രതീക്ഷിക്കുന്നത് 1.2 ലക്ഷം കോടി രൂപ
  • ജിയോയുമായി മുകേഷ് അംബാനി ഓണ്‍ലൈന്‍ ചില്ലറവില്‍പ്പന രംഗത്തേക്ക്
  • ബ്രിട്ടനെ മറികടന്ന് ഇന്ത്യ ലോകത്തെ അഞ്ചാമത്തെ സാമ്പത്തിക ശക്തിയാകുമെന്ന് റിപ്പോര്‍ട്ട്
  • ഭ​ര​ണ​പ്ര​തി​സ​ന്ധി;ട്രമ്പ്​ ലോ​ക​സാ​മ്പ​ത്തി​ക ഉ​ച്ച​കോ​ടി​ക്കി​ല്ല
  • മോഡി സര്‍ക്കാര്‍ ഭരിച്ച നാലര വര്‍ഷംകൊണ്ട് സര്‍ക്കാരിന്റെ കടബാധ്യത 49 ശതമാനംകൂടി 82 ലക്ഷം കോടി രൂപയായി
  • ആമസോണില്‍ വില്‍പനയ്ക്ക് വെച്ച ഫെയ്‌സ്ബുക്കിന്റെ 'പോര്‍ട്ടല്‍' സ്മാര്‍ട് സ്‌ക്രീനിന് സ്വന്തം ജീവനക്കാരുടെ തന്നെ അഞ്ച് സ്റ്റാര്‍ റേറ്റിങും മികച്ച അഭിപ്രായവും
  • സുഗന്ധവ്യഞ്ജന ഗുണനിലവാരം: കോഡക്‌സ് കമ്മിറ്റിയുടെ നാലാം യോഗം കേരളത്തില്‍
  • ബൈജൂസ് അമേരിക്കൻ കമ്പനിയെ ഏറ്റെടുത്തു
  • തലച്ചോറിനെ ഇന്റര്‍നെറ്റുമായി ബന്ധിപ്പിക്കുന്ന അത്ഭുത പദ്ധതിയുമായി ഇലോണ്‍ മസ്‌ക്
  • തെരഞ്ഞെടുപ്പ് നോട്ടമിട്ട് ബി.ജെ.പി വീണ്ടും;ആദായ നികുതി പരിധി അഞ്ച് ലക്ഷമാക്കിയേക്കും
  • Write A Comment

     
    Reload Image
    Add code here